موٹر سائیکل سوار چلتی بس سے ٹکرا کر اس کے نیچے آگیا پھر اس کے ساتھ کیا ہوا ؟ ویڈیو نے لوگوں کے دل دہلا دیے

انٹرنیٹ پر آئے روز دنیا بھر میں پیش آنے والے سنگین حادثات کی ویڈیوز منظر عام پر آتی رہتی ہیں جس کو دیکھ کر دل دہل جاتے ہیں۔

بہت سے افراد کار ، موٹر بائیک اور دیگر طرح سے حادثات کی زد میں آکر زندگی کی بازی ہار جاتے ہیں۔

اب ایک اور حادثے کی ویڈیو منظر عام پر آئی ہے جس نے دیکھنے والوں کے دل دہلا دیے۔

انڈیا کی ریاست گجرات میں موٹر سائیکل سوار کی ایک ویڈیو سامنے آئی ہے جس میں وہ خوفناک حادثے سے بال بال بچ گیا۔

حادثہ گجرات کے ڈسٹرکٹ ہیڈ کوارٹر شہر داہود میں پیش آیا، موٹر سائیکل سوار بس کی زد میں آکر معجزانہ طور پر بچ نکلا۔

ویڈیو میں دیکھا جاسکتا ہے کہ موٹر سائیکل سوار نے جلد بازی کا مظاہرہ کرتے ہوئے بس کے آگے سے نکلنے کی کوشش کی اس دوران وہ بس کی ٹکر کھا کر نیچے گر جاتا ہے۔

ڈرائیور نے فوری بریک لگا کر بس روک لی جس کے باعث موٹر سائیکل سوار موت کے منہ میں جانے سے بال بال بچ گیا۔

ویڈیو میں دیکھا جاسکتا ہے کہ موٹر سائیکل سوار بس کے نیچے سے نکل رہا ہے اور حادثہ دیکھ کر رکنے والے دوسرے افراد اس کی خیریت دریافت کررہے ہیں۔