گزشتہ برس وفات پانے والے بھارتی فلموں کے سپر اسٹار اداکار عرفان خان مداحوں سے بچھڑے گیارہ ماہ بیت چکے ہیں اور ان کے چاہنے والے آج بھی انہیں دیکھنے کے لیے بے قرار دکھائی دیتے ہیں۔
وہیں اداکار عرفان خان کا بیٹا بابِل خان بھی اپنے والد کی یاد میں کچھ نہ کچھ مداحوں کے ساتھ اپنے سوشل میڈیا پر شیئر کرتا رہتا ہے۔
اب حال ہی میں بابل نے عرفان خان کی ڈائری کی ویڈیو سوشل میڈیا پر شیئر کی ہے۔
عرفان کی اس ڈائری کی ویڈیو شیئر کرتے ہوئے، بابل خان نے لکھا کہ مجھے یہ کتاب بابا کی الماری سے ملی ہے ۔یہ میں نے 12 برس کا تھا تب میں نے انہیں یہ کتاب دی تھی۔ وہ اس ڈائری میں میرے لیے اداکاری کے نوٹ لکھ رہے تھے جو غالباً وہ اسکول ختم ہونے کے بعد مجھے سکھانا چاہتے تھے۔ لہٰذا مجھے یقین ہے کہ ابھی مجھے خزانہ مل گیا ہے۔
کتاب کے چند صفحات دکھاتے ہوئے ، بابل نے لکھا ، 'میں پہلے کچھ نوٹ آپ کے ساتھ شیئر کر رہا ہوں کیونکہ میں چاہتا ہوں کہ آپ جان سکیں کہ میں اچھا انسان ہوں۔
انہوں نے کتاب کے 4 نکات بتاتے ہوئے مزید بتایا کہ اگر آپ کو اس میں کچھ چیزیں سمجھ نہیں آتی ہیں تو ، میں آپ کو اپنے کلب میں خوش آمدید کہتا ہوں کیونکہ بہت ساری چیزیں ایسی ہیں ، جن کی مجھے سمجھ میں بھی نہیں ہے اور میں ان سے اب پوچھ بھی نہیں سکتا ہوں۔