پاکستانی شوبز انڈسٹری کے معروف اداکار ایک دوسرے سے بخوبی واقف ہوتے ہیں کیونکہ وہ ڈرامہ پراجیکٹس کے لیے ایک ساتھ سیٹ پر کام کر چکے ہوتے ہیں اور ان کا ملنا ملانا بھی رہتا ہے۔
اسی طرح کسی پروگرام کے دوران جب اداکاروں سے کسی دوسرے فنکاروں سے متعلق سوال کیا جاتا ہے تو وہ اپنی رائے کا اظہار کبھی سنجیدہ انداز میں کرتے ہیں تو کبھی طنز و مزاح سے جواب دیتے ہیں۔
پاکستانی شوبز کے معروف اداکار آغا علی اور حنا الطاف آج کل ایک شو کی میزبانی کر رہے ہیں جس میں جوڑی سیلیبریٹی مہمان کو مدوع کیا جاتا ہے۔ جس میں میزبان اور مہمان کے درمیان چیٹ چیٹ سیشن ہوتا ہے۔
اس بار ان کے پروگرام میں معروف سیاستدان فیصل سبزواری اور ان کی اہلیہ مدیحہ نقوی کو شو میں مدعو کیا گیا تھا۔ پروگرام کا ایک سیگمنٹ ایسا ہے جس میں مرد میزبان دوسرے مرد مہمان دونوں ایک دوسرے سے سوالات پوچھتے ہیں۔ جب فیصل سبزواری نے آغا علی سے سوال کیا کہ کونسی اداکارہ کو سیاست میں شامل ہونا چاہئے کیوں کہ وہ انڈسٹری میں بھی سیاست کو بیچ میں لے آتی ہیں؟
اداکار و میزبان آغا علی نے جواب دیا کہ مجھے ایسا لگتا ہے کہ نادیہ خان اپنے شو میں کافی سیاست کا مظاہرہ کر چکی ہیں جس کی وجہ سے بہت سے سیاسی مسائل پیدا ہوئے۔ ان کا کہنا تھا کہ حال ہی میں جب میں نے نادیہ خان سے اپنے شو میں ملاقات کی تو مجھے لگا کہ وہ بالکل بدل چکی ہیں۔ ان کا کہنا تھا کہ مجھے ایسا لگتا ہے کہ شاید شادی کے بعد ان میں تبدیلی آئی ہے۔
مزید انہوں نے کیا کہا ملاحظہ کیجیے۔