گھر چھوٹا ہو یا بڑا ہر کسی کو گھر میں سکون چاہیئے ہوتا ہے جہاں دن بھر کی تھکن سے انسان تھک کر بے حال ہو جاتا ہے وہیں رات کو گھر میں جا کر آرام ملنا کسی نعمت سے کم نہیں اور آج کل کے دور میں تو اپنا گھر سب سے بڑا تحفہ ہوتا ہے۔

ہمارے ہاں گھروں کے بڑے ہونے پر لوگ فخر محسوس کرتے ہیں اور چھوٹے ہونے پر مایوسی کا شکار ہوتے ہیں جبکہ یہ تو صرف رہنے کی زمین ہے، ہمارے شوبز اداکار بھی اس بات پر یقین رکھتے ہیں چھوٹا گھر اور فلیٹ بھی بہت قابلِ فخر ہے اگر یہاں سکون میسر آ جائے تو، آپ بھی دیکھیئے یہ اداکار کون ہیں جو اپارٹمنٹس میں رہتے ہیں:

عائشہ عمر

اداکارہ عائشہ عمر بھی ایک بہترین فلیٹ میں رہتی ہیں جس میں آسائش کی ہر چیز موجود ہے اور ان کا کہنا ہے کہ چھوٹے گھر میں رہنا زیادہ آسان ہے اور سکون دہ بھی۔

رنبیر کپور

اداکار رنبیر کپور بھی فلیٹ میں رہتے ہیں ایک انٹرویو میں رنبیر کا کہنا تھا کہ: '' میرے لئے میرا یہ چھوٹا سا اپارٹمنٹ کسی محل سے کم نہیں ہے اور مجھے اچھا لگتا ہے کہ کم جگہ میں سمٹ کر رہنا، اور ہر چیز کا نظر میں رکھنا۔

ماورہ حُسین

اداکارہ ماورہ حسین بھی اس وقت ایک اپارٹمنٹ میں اکیلی رہتی ہیں۔

ودیا بالن

بھارتی اداکارہ ودیا بھی اپارٹمنٹ میں رہتی ہیں۔ ودیا کے مطابق: چھوٹا گھر رہنے میں بھی آرام دہ ہوتا ہے اور صفائی کرنے میں بھی پریشانی نہیں ہوتی ہے۔

دیپیکا پڈوکون

دیپیکا پڈوکون بھی فلیٹ میں رہتی ہیں اور ان کا اپارٹمنٹ 4 کمروں پر مشتمل ہے جہاں ایک چھوٹا سا گارڈن بھی ہے۔

اپارٹمنٹ میں رہنے کی وجہ:

اداکار اپارٹمنٹ اور فلیٹ میں اس لئے رہنا پسند کرتے ہیں کیونکہ ان کو کام کے سلسلے میں ایک جگہ سے دوسری جگہ منتقل ہونا پڑتا ہے اور فلیٹ میں کچھ وقت کے لئے رہائش اختیار کرنا آسان ہے اس لئے وہ اپارٹمنٹ میں رہتے ہیں۔ ان کو اپنے گھروں کا مکمل خیال رکھنے کا وقت نہیں ملتا اور جتنا بڑا گھر اتنے کام زیادہ ہوتے ہیں یہی وجہ ہے کہ یہ اداکار اپارٹمنٹس یا فلیٹ کا انتخاب کرتے ہیں۔