اس چھوٹی بچی نے نیلم منیر اور احسن خان سے کیا دلچسپ سوال کیا جو ان کی ویڈیو وائرل ہو گئی؟

گزشتہ روز ایک ویڈیو کافی تیزی سے وائرل ہو رہی ہے جس میں ایک چھوٹی بچی پاکستانی ڈرامہ انڈسٹری کے نامور اداکار احسن خان اور نیلم منیر سے بات چیت کرنے میں مصروف ہے۔

ویڈیو میں دیکھا جا سکتا ہے کہ نیلم اور احسن دونوں بچی کی باتوں سے کافی محظوظ ہو رہے ہیں اور قہقہے لگا کر ہنس رہے ہیں۔

گاڑی میں بیٹھے احسن خان اور نیلم منیر سے بچی نے سوال کیا کہ ''کیا یہ آپ کے شوہر ہیں؟'' جس پر اداکار اور اداکارہ دونوں ہی ہنس پڑے، نیلم منیر انکار کرتی رہیں جبکہ احسن خان اقرار کرتے رہے۔

ویڈیو کے اختتام پر نیلم منیر نے کہا کہ ہاں یہ میرے شوہر ہیں لیکن ڈرامہ میں، یہاں ڈرامہ کی شوٹنگ ہو رہی ہے۔

تاہم بچی دونوں سے پشتو میں بات کر رہی ہے۔

سوشل میڈیا پر یہ ویڈیو کافی تیزی سے وائرل ہو رہی ہے جسے دیکھ کر لوگوں نے کافی دلچسپ تبصرے بھی کیے ہیں۔ اس ویڈیو کو کئی صارفین شئیر کر چکے ہیں۔