افسوس ناک خبر! ندا یاسر کی والدہ انتقال کر گئیں

پاکستانی شوبز انڈسٹری کی معروف مارننگ شو میزبان ندا یاسر اور اسپورٹس اینکر سویرا پاشا کی والدہ فہمیدہ نسرین انتقال کر گئی ہیں۔

تفصیلات کے مطابق کچھ دیر قبل ندا یاسر نے والدہ کے انتقال کی خبر اپنی انسٹاگرام پوسٹ کے ذریعے دی۔

ندا نے اپنی والدہ کی تصویر شئیر کی جس کے کیپشن میں تحریر کیا کہ ''ہماری پیاری اور بہادر ماں ہمیں تنہا چھوڑ گئیں''۔

تصویر میں ندا کی بہن اور اسپورٹس اینکر سویرا پاشا بھی موجود ہیں۔

ندا کی والدہ کے انتقال کی خبر سن کر مداحوں نے دکھ کا اظہار کیا ہے جبکہ کئی شوبز شخصیات نے بھی پوسٹ پر افسوس اور رنج کا اظہار کیا۔