ڈرامہ سیریل فطرت جس کا انتظار دیکھنے والوں کو ہر ہفتے ہوتا ہے کیونکہ اس کی کہانی اور کردار حقیقت سے قریب ترین ہیں اور لوگ بہت زیادہ تعداد میں اس ڈرامے کو پسند کر رہے ہیں۔ مگر دو دن سے یہ ڈرامہ آن ایئر نشر نہیں کیا جا رہا ہے جس کی بڑی وجہ سامنے آگئی ہے:

وجہ:

فطرت ڈرامے کے مرکزی کردار اداکار علی عباس نے اپنے انسٹاگرام اکاؤنٹ پر ایک تصویر شیئر کی جس کے کیپشن میں لکھا ہے کہ:

'' کبھی کبھی یہ بھی ضروری ہوتا ہے کہ ہم اپنی مصروف زندگی پر ایک نظر ڈالیں اور دیکھیں کہ ہم کہاں ہیں اور ہمیں کس چیز کی ضرورت ہے، اور مجھے اگلے 15 روز کے لئے یہ موقع ملا ہے کیونکہ میرا کورونا ٹیسٹ مثبت آیا ہے” میں آپ سب کی دعاؤں کا طلب گار ہوں۔

ان کے اس پوسٹ کو 11 ہزار سے زائد مداح لائک اور کمنٹ کر چکے ہیں۔

بتایا یہ جا رہا ہے کہ فطرت ڈرامے کے آن ایئر نہ ہونے کی بڑی وجہ اداکار علی عباس کا قرنطینہ میں ہونا ہے۔