فاطمہ آفندی کی ساس اور اداکار کنور ارسلان کی والدہ انتقال کر گئیں

پاکستانی شوبز انڈسٹری سے گزشتہ روز ایک اور افسوس ناک خبر اس وقت سامنے آئی جب نامور اداکارہ فاطمہ آفندی نے انسٹاگرام اسٹوری اپ لوڈ کی، جس میں تحریر تھا کہ ان کی ساس زندگی کی بازی ہار چکی ہیں۔

اس سے قبل اداکار کنور ارسلان نے اپنی والدہ کی طبعیت خراب ہونے کا انکشاف کیا تھا جبکہ تمام لوگوں سے دعاؤں کی اپیل بھی کی تھی۔

کنور ارسلان نے اپنی پوسٹ میں بتایا تھا کہ برائے مہربانی میری والدہ کے لیے دعا کریں، وہ گزشتہ دس دن سے آئی سی یو میں ہیں جب کہ اب انہیں وینٹی لیٹر پر منتقل کر دیا گیا ہے۔

تاہم گزشتہ روز اداکارہ فاطمہ آفندی نے اسٹوری اپ لوڈ کی جس میں بتایا کہ ان کی ساس کا انتقال ہو گیا ہے، جبکہ نمازِ جنازہ آج ظہر میں مسجد عثمانِ غنی بلاک 12 گلستانِ جوہر میں ادا کی جائے گی۔