دنیا بھر میں نئے سال کا آغاز ہو چکا ہے جبکہ اس مرتبہ کورونا کے باعث ہر سال جیسا جشن نہیں ہو سکا لیکن پھر بھی ہر شخص نئے سال کے لیے اپنی منصوبہ بندی کر رہا ہے۔ اسی طرح شوبز شخصیات بھی ہیں، جو آنے والے سال میں وہ کچھ کرنا چاہتی ہیں، جو وہ 2020 میں نہ کر سکیں۔

آئیے آپ کو بتاتے ہیں کہ کون سا اداکار سال 2021 میں کیا کرنے والا ہے؟

1) اداکارہ ثروت گیلانی ملک کے قوانین میں تبدیلیاں چاہتی ہیں

ثروت گیلانی نے کہا ہے کہ نئے سال کے لیے ان کی ترجیحات یہ ہیں کہ پاکستان کے آئین میں تبدیلی کر کے بچوں اور خواتین کے تحفظ کے لیے سخت اور بہتر قوانین بنائے جائیں۔ ان کا یہ بھی کہنا تھا کہ سال 2020 میں انہوں نے سخت کام کرنا سیکھا، جس کے بدلے اگرچہ انہیں کوئی ایوارڈ نہیں ملا، تاہم انہیں سیکھنے کے لیے بہت کچھ ملا۔ ان کی کوشش ہو گی کہ اس سال بہتر انسان بنیں۔

2) احسن خان

اداکار احسن خان نے کہا ہے کہ وہ سال 2020 کو دیکھتے ہوئے نئے سال سے بہت زیادہ اور حتمی توقعات نہیں رکھ سکتے، کیونکہ کورونا کی وبا نے ہمیں بہت کچھ سکھا دیا ہے کہ اپنے پیاروں کی قدر کریں، ان کا کہنا تھا کہ دنیاوی چیزوں کے پیچھے نہ بھاگیں۔ انہوں نے مداحوں کو بھی مشورہ دیا کہ اگر وہ نئے سال کے لیے کوئی منصوبہ بندی کر رہےہیں تو وہ اس کی مکمل کرنے کے لیے سخت محنت کریں۔

3) عائشہ عمر

اداکارہ عائشہ عمر کے مطابق وہ نئے سال میں اپنی ذہنی سمیت جسمانی و جذباتی صحت کو بہتر بنائیں گی۔ انہوں نے بتایا کہ وہ آنے والے سال میں ڈائٹ کرنے سمیت میوزک اور پینٹنگ میں بھی وقت گزاریں گی۔

4) انوشے اشرف

انوشے اشرف کے مطابق وہ نئے سال میں جانوروں اور بچوں کے حقوق سمیت ماحولیاتی و تعلیم کی بہتری کے لیے کوئی فلاحی کام کرنے کا ارادہ رکھتی ہیں، کیوں کہ انہیں ایسے کاموں سے بہت پیار ہے۔