پاکستان کے نامور گلوکار و سماجی کارکن شہزاد رائے کسی تعارف کے محتاج نہیں، اپنی فٹنس کی وجہ سے یہ اکثر و بیشتر ہی سماجی رابطے کی ویب سائٹس پر خبروں کی زینت بنے رہتے ہیں۔ تاہم گلوکار کے ساتھ حال ہی میں ایک ایسا دلچسپ واقعہ پیش آیا کہ سوشل میڈیا صارفین مسکرانے پر مجبور ہوگئے۔
ہوا کچھ یوں کہ مشہور فیشن صحافی 'حیا بخاری' نے گلوکار کو شادی کی پیشکش کی۔
حیا بخاری نے ٹوئٹ کیا کہ ''کیا کوئی شہزاد رائے کو راضی کر سکتا ہے کہ وہ مجھ سے شادی کر لیں؟ میں وعدہ کرتی ہوں کبھی بھی ان کی جلد کا خیال رکھنے والی چیزیں نہیں لوں گی''۔
گلوکار نے جواب دیتے ہوئے اپنا ٹوئٹ لکھا کہ ''انہیں راضی کرنے کی کوشش کروں گا''۔
حیا نے شہزاد کے اس مزے دار اور دلچسپ ٹوئٹ کا جواب دیا کہ ''آپ ایک بہترین انسان ہیں، کبھی نہیں بدلیے گا''۔
واضح رہے شہزاد رائے کی سال 2009 میں سلمیٰ عالم سے شادی ہوئی تھی اور دونوں کا ایک بیٹا سکندر بھی ہے۔