مشہور مارننگ شو کی میزبان ندا یاسر ایک عرصے سے پروگرامز کی میزبانی کر رہی ہیں اور لوگوں کے دلوں میں اپنی منفرد جگہ بنانے میں کامیاب رہی ہیں۔
گذشتہ ماہ ندا یاسر اور ان کے شوہر یاسر نواز کورونا وائرس کا شکار ہوگئے تھے مگر اب ان کی طبیعت نارمل ہے۔
ندا یاسر ہوسٹنگ سے پہلے اداکاری کرتی تھیں ان کا سب سے مشہور ڈرامہ " نادانیاں" تھا۔
انھوں نے بچوں اور گھر کی ذمہ داریوں کی وجہ سے شوبز کو خیرآباد کہہ کر میزبانی کی دنیا میں قدم رکھا اور خوب کامیاب بھی ہوئیں۔
آج کل ندا کے حوالے سے یہ چرچا سوشل میڈیا پر گردش کر رہا ہے کہ ندا یاسر دوبارہ ڈرامہ انڈسٹری میں کہ واپس آرہی ہیں۔
اس حوالے سے ایک انٹرویو پروگرام میں ندا کا کہنا تھا کہ انھوں نے اپنے بچوں کی خاطر اداکاری سے پردہ کیا تھا اور اب ان کے بچے جوانی کے اس دور میں پہنچ گئے ہیں جہاں انھیں بحیثیتِ ماں کڑی نظر رکھنے کی ضرورت ہے۔
لہٰذا فی الحال وہ اداکاری کی دنیا میں دوبارہ قدم رکھنے کا نہیں سوچ سکتی ہیں۔
ان کے مطابق وہ لوگوں کی منفی رائے اور تلخ جملوں سے دل برداشتہ ہوجاتی ہیں لیکن یہ کام کا حصہ ہے اور ہر شخص کو رائے دینا کا برابر پورا حق ہے۔
مذید جانیں اس وڈیو میں: