امیتابھ بچن اور جیا بچن کی شادی کس طرح ہوئی تھی؟ امیتابھ بچن نے راز کی بات بتا دی

بالی ووڈ کے شہنشاہ امیتابھ بچن نے اپنی شادی کی سالگرہ کے موقع پر سوشل میڈیا ایپ انسٹاگرام پر ایک یادگار تصویر شئیر کی جس میں انہوں نے اپنی شادی سے متعلق راز کی بات بتادی۔

انسٹاگرام پر شیئر کردہ تصویر کے ساتھ امیتابھ بچن نے لکھا کہ آج میری اور جیا بچن کی شادی کو 47 سال مکمل ہوگئے ہیں۔

انسٹاگرام پوسٹ پر انہوں نے اپنی مشہور فلم زنجیر کے حوالے سے لکھا کہ میری فلم زنجیر کی کامیابی کے بعد میں اور میرے دوستوں نے لندن جانے کا فیصلہ کیا تھا۔

View this post on Instagram

47 years .. today .. June 3, 1973 .. !! Had decided if Zanjeer would succeed, we would along with a few friends go to London for the first time .. My Father asked who you going with ? When i told him who , he said you must marry her before you go .. else you don’t go .. So .. I obeyed .. !!

A post shared by Amitabh Bachchan (@amitabhbachchan) on Jun 2, 2020 at 1:23pm PDT

انہوں نے لکھا کہ یہ بات جب میرے والد کو معلوم ہوئی کہ میں لندن جارہا ہوں تو اُنہوں نے مجھ سے پوچھا کہ تمہارے ساتھ کون جارہا ہے؟

اُنہوں نے لکھا کہ میں نے اپنے والد کو جیا کے بارے میں بتایا تو میرے والد نے مجھ سے کہا کہ لندن جانے سے پہلے جیا سے شادی کرو۔

بالی ووڈ اسٹار امیتابھ بچن نے لکھا کہ میرے والد نے کہا کہ اگر تم لندن جانے سے پہلے جیا سے شادی نہیں کرو گے تو میں تمہیں لندن نہیں جانے دوں گا۔

اداکار نے لکھا کہ والد کے کہنے پر میں جیا سے شادی کرنے کے لئے راضی ہوگیا۔