ایسا کون سا انجکشن ہے جس سے کورونا وائرس کا علاج ممکن ہے؟

وزیرِ صحت پنجاب یاسمین راشد کی جانب سے یہ دعویٰ کیا گیا ہے کہ آرتھرائٹس کا انجکشن کورونا وائرس سے متاثرہ مریضوں کے علاج میں مفید ہے۔

تفصیلات کے مطابق پاکستان میں آرتھرائٹس کا انجکشن کورونا وائرس سے متاثرہ مریضوں پر آزمایا جارہا ہے جس کے مثبت نتائج سامنے آ رہے ہیں۔

وزیرِ صحت پنجاب یاسمین راشد کا اس حوالے سے کہنا ہے کہ یہ انجکشن 24 گھنٹوں میں دو مرتبہ لگایا جاتا ہے اور مختلف اسپتالوں میں کورونا کے مریضوں پر اس کی آزمائش کی جا رہی ہے، دعویٰ یہ کیا جارہا ہے کہ اس انجکشن نے کورونا کے متعدد مریضوں کو وینٹی لیٹر پر جانے سے بچایا ہے۔

وزیرِ صحت پنجاب ڈاکٹر یاسمین راشد کے مطابق اس مرض کے علاج کے لیے استعمال کیے جانے والے دو انجکشنوں کی قیمت ایک لاکھ بیس ہزار روپے ہے جو متاثرہ مریضوں کو مفت فراہم کیے گئے ہیں۔