پی ایس ایل کی ٹرافی کس ٹیم کو ملنی چاہئے، شاہد آفریدی نے بڑا مطالبہ کر دیا

پی ایس ایل سیزن فائیو کے بقیہ میچز ملتوی ہو گئے تاہم سوال یہ کیا جا رہا ہے کہ پاکستان سپر لیگ کی ٹرافی کس ٹیم کو ملنی چاہئے؟

ذرائع کے مطابق پاکستان سپر لیگ میں ٹیم ملتان سلطانز کی نمائندگی کرنے والے شاہد آفریدی نے کہا کہ جو ٹیم پوائنٹس ٹیبل پر سب سے اوپر ہے ٹرافی بھی اسی ٹیم کو دی جائے۔

سماجی رابطے کی ویب سائٹ ٹوئٹر پر شاہد آفریدی نے ایک ٹوئٹ پوسٹ کی جس میں انہوں نے لکھا کہ پی ایس ایل کا اختتام دیکھ کر بہت مایوسی ہوئی تاہم انہوں نے کہا کہ لوگوں کی صحت اور حفاظت سب سے زیادہ ضروری ہے۔

Sad to see the PSL end, but health and safety of all concerned is the key, esp those who are travelling back to their homes.Perhaps the decision could have been taken earlier, with regards to the trophy...well the table-topper should be handed the trophy? 😊 @MultanSultans

— Shahid Afridi (@SAfridiOfficial) March 17, 2020

ٹوئٹ کے آخر میں انہوں نے یہ بھی لکھ دیا کہ جہاں تک بات ہے ٹرافی کی تو ٹرافی اس ٹیم کو دے دیں جو پوائنٹس ٹیبل پر سب سے اوپر ہے۔

اپنے ٹوئٹ کے آخر میں انہوں نے ملتان سلطانز کے ہیش ٹیگ کا استعمال بھی کیا۔

واضح رہے کہ ملک میں کورونا وائرس کے خدشے کے پیش نظر پاکستان کرکٹ بورڈ( پی سی بی) نے پاکستان سپر لیگ فائیو کے شیڈول سیمی فائنلز اور فائنل کا مقابلہ ملتوی کر دیا گیا ہے۔