تعلیمی اعلانات برائے 05/05/2014

جامعہ کراچی کے ناظم امتحانات کے اعلامیے کے مطابق ایم اے پریویس اور ایم بی بی ایس فائنل پروفیشنل کے 2؍ مئی کو ملتوی ہونے والے پرچے اب جمعہ 9؍ مئی کو ہونگےجبکہ بی ایس فزیو تھراپی کا 2؍ مئی کو ملتوی ہونے والاپرچہ اب پیر 26 مئی کو ہوگا ۔ واضح رہے کہ امتحانی مرکز اور مقررہ وقت میں کوئی تبدیلی نہیں کی گئی ہے۔ ٭جامعہ کراچی کے ناظم امتحانات کے اعلامیے کے مطابق بی کام ریگولر سپلیمنٹری امتحانی فارم جمع کرانے کی تاریخ کا اعلان کردیا گیا ہے۔طلبہ اپنے امتحانی فارم 14 مئی تک 2650 روپے فیس برائے سال اول/ دوئم اور4550 روپے فیس برائے (سال اول ودوم)کے ساتھ متعلقہ کالجز میں جمع کراسکتے ہیں۔ واضح رہے کہ ایسے طلبہ جو 2012ء کی انرولمنٹ کے حامل ہیں وہ سپلیمنٹری امتحان 2013 ء میں شرکت کے اہل نہیں ہونگے ۔ایسے طلبہ جو 2007 ء یا اس سے قبل کی انرولمنٹ کے حامل ہیں اور سپلیمنٹری امتحان میں شرکت کے خواہش مند ہیں انہیں امتحانی فیس کے علاوہ 3000 روپے اضافی چارجز بھی اداکرنا ہونگے۔