Getty Imagesافغانستان میں دستیاب دو تہائی ادویات پاکستان سے درآمد کی جاتی تھیں
ہم میں سے بہت ہی کم لوگوں نے یہ تجربہ کیا ہو گا کہ میڈیکل سٹور پر دوائی کی خریداری کے وقت یہ پوچھیں گے کہ دوائی کس ملک کی ہے۔
لیکن افغانستان میں مریضوں کی طرف سے پوچھے جانے والا سب سے اہم سوال یہی ہے کہ دوا کس ملک کی ہے؟
افغانستان میں عوام برسوں سے میڈیکل سٹورز پر یہ سوال پوچھنے کے عادی ہیں۔ اُن کے خیال میں دوا کے اچھے یا برے ہونے کا تعلق اس بات سے ہے کہ وہ کہاں کی بنی ہوئی ہے۔
افغانستان میں میڈیسن انڈسٹری میں تبدیلی اُس وقت آئی جب طالبان حکومت کے نائب وزیر اعظم ملا عبدالغنی برادر نے پاکستان سے اودیات کی خریداری پر دو ماہ کی پابندی عائد کی۔ کچھ ہفتے قبل ملا بردار نے تاجروں اور عوام پر زور دیا تھا کہ وہ پاکستان کے بجائے دوسری ملک سے ادویات خریدیں۔
اس سے قبل افغانستان میں دستیاب دو تہائی ادویات پاکستان سے درآمد کی جاتی تھیں۔
پاکستان اور افغانستان کے مابین گذشتہ دو ماہ سے سرحد بند ہے۔ ایسے میں کابل میں موجود افراد نے بی بی سی کو بتایا کہ یہاں ادویات کی قلت ہے اور ضروری ادویات کی قیمتوں میں اضافہ بھی ہوا ہے۔
افغانستان میں بھی کچھ ادویات بنتی ہیں لیکن 70 فیصد سے زائد ادویات پاکستان سے آتی ہیں۔ افغان عوام دہائیوں سے پاکستانی ادویات سے پر اعتماد کرتے ہیں۔
کیا افغانستان میں ادویات میں مہنگی ہوئی ہیں؟
پاکستان اور افغانستان کے مابین گذشتہ دو ماہ سے سرحد بند ہے۔ ایسے میں کابل میں موجود افراد نے بی بی سی کو بتایا کہ یہاں ادویات کی قلت ہے اور ضروری ادویات کی قیمتوں میں اضافہ بھی ہوا ہے۔
افغانستان میں بھی کچھ ادویات بنتی ہیں لیکن 70 فیصد سے زائد ادویات پاکستان سے آتی ہیں۔ افغان عوام دہائیوں سے پاکستانی ادویات سے پر اعتماد کرتے ہیں۔
نصراللہ خالد نے کابل کے ایک میڈیکل سٹور سے اپنی والدہ کے لیے دوائی خریدی ہے۔ انھوں نے کہا کہ ’یہ دل کی دوائی ہے اور میں نے اسے اپنی والدہ کے لیے خریدا ہے۔‘
کابل میں فارمیسی کے مالک حمد فردوس کا کہنا ہے کہ ’کمپنیوں کے گوداموں میں پاکستان کی بنی ہوئی ادویات کا سٹاک پہلے سے وافر مقداد میں موجود ہے۔ اس لیے کوئی مسئلہ نہیں ہے۔‘
BBCفارماسیوٹیکل حکام کا کہنا ہے کہ بعض فارمیسیز جان بوجھ کر مہنگی ادویات فروخت کرتی ہیں
دوائیوں سے بھرے تھیلے کو دکھاتی ہوئے انھوں نے کہا کہ ہم پاکستان کی ادویات کو پہنچانتے ہیں۔
خالد نے بتایا کہ تین ماہ قبل ’میں نے اپنی والدہ کی دوائی 900 افغانی (3850 پاکستانی روپے) میں خریدی تھی جو اب 1150 افغانی (4900 پاکستانی روپے) میں ملی ہے، سب ہی افراد مہنگی دوائیوں سے پریشان ہیں۔‘
افغانستان میں ادویات اور طبی سازو سامان کی تجارتی ایسوسی ایشن کے نائب سربراہ محمد یعقوب منگل کا کہنا ہے کہ کرنسی کے اتار چڑھاؤ اور دیگر تجارتی مسائل کی وجہ سے ادویات کی قیمتیں پہلے ہی بڑھی ہوئی ہیں۔
دوسری جانب فارماسیوٹیکل حکام کا کہنا ہے کہ بعض فارمیسیز جان بوجھ کر مہنگی ادویات فروخت کرتی ہیں اور ایک ہی دوا کی قیمت ہر جگہ مختلف ہوتی ہے۔
افغان شہریوں پر بیرون ملک عسکری کارروائیوں میں حصہ لینے کی ممانعت: افغان علما کی قرارداد پاکستان، افغانستان کشیدگی میں کیا معنی رکھتی ہے؟’اسلامی اقدار کے منافی‘ لباس پہننے پر افغانستان میں گرفتاریاں: جب چار نوجوانوں کو پیکی بلائنڈرز جیسا سٹائل اپنانا مہنگا پڑ گیاافغانستان میں چھوڑا گیا امریکی اسلحہ ’طالبان کا دفاعی ڈھانچہ بن چکا ہے‘، امریکی رپورٹ کے انکشافات اور پاکستان کی تشویشپاکستان پر افغان فوج کا حملہ: جب باجوڑ کے پہاڑ افغان توپ خانے کی گھن گرج سے گونج اٹھے
طالبان حکومت کے وزیر صحت مولوی نور جلال نے میڈیکل سٹورز کو خبرادار کیا تھا کہ وہ ادویات کی قیمتیں نہ بڑھائیں۔
انھوں نے کہا تھا کہ پاکستان کی ادویات پر پابندی کے باوجود بھی ملک میں دوا کی قلت نہیں ہے۔
کابل میں موجود ایک پرانے میڈیکل سٹور کے مالک نے بی بی سی کو بتایا کہ طالبان کے اہلکار قیمتوں کو کنٹرول کرنے کے لیے شہر میں سٹورز پر چھاپہ مار رہے ہیں۔ انھوں نے مہنگی دوائیں بیچنے پر دوکانیں بند بھی کی ہیں۔
پاکستان کے متبادل کے طور پر کہاں سے ادویات آ رہی ہیں؟ Getty Images
افغانستان میں طالبان حکومت کے عہدیداروں کا کہنا ہے کہ اب سے پاکستانی ادویات پر پابندی کے بعد مارکیٹ میں چین، انڈیا، بنگلہ دیش، ایران اور افغانستان میں بننے والے ادویات موجود ہیں۔
انھوں نے کہا کہ حکومتمتبادل تجارتی راستوں پر کام کر رہی ہے اور انڈیا افغانستان کو ادویات برآمد کرنے اور افغانستان میں مشترکہ سرمایہ کاری کے لیے تیار ہے۔
لیکن تاجروں کا کہنا ہے کہ پاکستان کے بجائے دیگر ممالک کے ساتھ ادویات کی خریداری کے لیے قلیل وقت میں کوئی میکنزم قائم کرنا مشکل ہے۔
افغانستان میں ادویات اور طبی سازو سامان کی تجارتی ایسوسی ایشن کا کہنا ہے کہ وہ ایران، چین، بنگلہ دیش، بھارت، ازبکستان، ترکی اور مغربی یورپ سے ادویات درآمد کرنے اور اودیات کی ملکی صنعت کو فروغ دینے کی ضرورت ہے۔
ایسوسی ایشن کے عہدایدار کا کہنا ہے کہ حقیقیت یہ ہے کہ فی الحال دوسرے ممالک کی دوائیں بھی پاکستان کے راستے افغانستان آ رہی ہیں اور اب سرحد بند ہونے سےکارگو کنٹینرز پھنسے ہوئے ہیں اور یہ ایک بڑا مسئلہ ہے۔
ان کا کہنا ہے کہ پاکستان سے آنے والے ان ٹرکوں میں نہ صرف چین، ترکی اور بنگلہ دیش جیسے ممالک کی ادویات لائی جاتی ہیں بلکہ افغانستان میں تیار ہونے والی ادویات کا خام مال اُسی راستے سے آتا ہے۔
افغانستان کی ادویات کی صنعت اور خدشاتGetty Images
ادویات کے کاروبار سے وابستہ افراد کا کہنا ہے کہ وہ پاکستان کی طرح کسی اور ملک باآسانی جا نہیں سکتے ہیں۔ پاکستانی مارکیٹ میں اُن کے پیسے پھنسے ہوئے ہیں اور متبادل آپشنز پر بھی غور کر رہے ہیں۔
ماہرین کا کہنا ہے کہ قلت اور قیمتوں میں اضافے جیسی صورتحال سے سمگلنگ، ناقص اور زائد المیاد ادویات کے لیے راستہ ہموار ہو گا۔
فارماسیوٹیکل ڈیلرز نے حکومت سے مطالبہ کیا ہے کہ وہ افغان تاجروں کے لیے ویزا اور دوسرے ممالک کے سفر کے انتظامات کو آسان،تیز بنائیں اور متبادل راستوں کے ذریعے فارماسیوٹیکل کمپنیوں کے ساتھ بات چیت کرے۔
کابل میں ادویات کے خریدار سیف الاسلام نے بی بی سی سے بات کرتے ہوئے حکومت پر زور دیا کہ وہ قیمتوں پر نظرِ ثانی کرےکیونکہ ان کے مطابق ادویات کی قلت سے غریب اور بیمار افرادمتاثر ہو رہے ہیں۔
افغانستان میں بعض افراد کا کہنا ہے کہ کچھ دوا ساز کمپنیاں زیادہ منافع کمانے کے لیے سستی اور ناکارہ ادویات درآمد کر رہی ہیں،۔
فارماسسٹ کا کہنا ہے کہ ان کے پاس افغان ادویات سمیت دیگر ممالک کی اعلیٰ کوالٹی کی ادویات موجود ہیں لیکناعلیٰ کوالٹی کی وجہ سے اس کی قیمت زیادہ ہے اور لوگ انہیں خریدنے کی استطاعت نہیں رکھتے۔
افغانستان ، متبادل روٹس، متبادل ادویات، ڈاکٹر کی تجویز کردہ متبادل گولیوں اور شربت سے واقفیت میں تھوڑاوقت درکار ہے لیکن یہ اس عمل کا آغاز ہے جس کے لیے حکومت پرعزم ہے۔
افغانستان میں چھوڑا گیا امریکی اسلحہ ’طالبان کا دفاعی ڈھانچہ بن چکا ہے‘، امریکی رپورٹ کے انکشافات اور پاکستان کی تشویشپاکستان کی افغانستان کو سمینٹ کی کروڑوں ڈالر کی برآمدات کیسے متاثر ہوئیں اور ایران کیسے متبادل بن کر سامنے آیا؟ افغان طالبان ٹویوٹا کی گاڑیاں کیوں خریدنا چاہتے ہیں؟ملا عبدالغنی برادر کی افغان تاجروں کو تنبیہ: پاکستان اور افغانستان کے درمیان تجارت کی بندش کس ملک کے لیے زیادہ نقصان دہ ہو گی؟طالبان کا پاکستان پر تجارتی انحصار کم کرنے کا اعلان: ’تعلقات خرابی کی اس نہج تک پہنچ گئے جہاں مفاہمت مشکل ہے‘