Getty Imagesہمارے فون کا استعمال ہمارے تعلقات کے لیے اچھا نہیں ہے
ہم سب یہ جانتے ہیں کہ ہمارے فون کا استعمال ہمارے تعلقات کے لیے اچھا نہیں ہے مگر اس کے باوجود بھی ہم دن میں درجنوں بار موبائل فون اپنے ہاتھ میں لے کر بیٹھے ہوتے ہیں۔ اس طرح لوگوں کو نظر انداز کر کے فون پر توجہ مرکوز رکھنے والی عادت آپ کا معمول بن کر رہ جاتی ہے۔
اس سے آپ کے تعلقات پر بُرا اثر پڑ سکتا ہے کیونکہ اس سے آپ کے شریکِ حیات کو لگتا ہے کے اسے نظر انداز کیا جا رہا ہے۔ اسی طرح والدین کے فون کا استعمال چھوٹے بچوں کے ساتھ تعلقات کو کمزور کر سکتا ہے اور قدرے بڑے بچوں کی خود اعتمادی کو متاثر کر سکتا ہے۔
ایک ماہر نفسیات کے مطابق فون کے استعمال پر قابو نہ رکھنے کی عادت پر تنقید کے بجائے اگر انسان فون اور دیگر آلات اٹھانے کے وقت پر زیادہ سوچ بچار کرے تو زیادہ بہتر ہوگا۔
ڈاکٹر کیٹلن ریگر یونیورسٹی کالج لندن میں ایسوسی ایٹ پروفیسر ہیں۔ وہ تجویز کرتی ہیں کہ جب آپ کسی اور کے ساتھ ہوں تو آپ بغیر سوچے سمجھے اپنا فون نہ اٹھائیں۔
Getty Imagesجب بھی آپ فون کی طرف متوجہ ہوں تو دوسروں کو یہ بتائیں کہ آپ ایسا کیوں کر رہے ہیں
جب بھی آپ فون کی طرف متوجہ ہوں تو دوسروں کو یہ بتائیں کہ آپ ایسا کیوں کر رہے ہیں اور کتنی دیر آپ اسے استعمال کریں گے۔ استعمال کے بعد آپ فون واپس نیچے رکھ دیں اور پھر سے بات چیت میں مگن ہو جائیں۔
یہ سننے میں بہت آسان لگتا ہے مگر ڈاکٹر کیٹلن ریگر کا کہنا ہے کہ یہ چھوٹی سی تبدیلی ہمارے رویے کو بدلنے میں مددگار ثابت ہو سکتی ہے کیونکہ ہم اکثر میسجز پر نظر رکھتے ہیں، نوٹیفکیشنز کا بغور جائزہ لیتے ہیں یا جلدی میں بغیر سوچے ہی فون پر کچھ نہ کچھ جلدی میں دیکھ رہے ہوتے ہیں۔
ان کے مطابق اصل اہمیت شفافیت کی ہے۔ اگر کوئی میسج آیا بھی ہے تو آپ اسے پڑھنے سے قبل اپنے ساتھ موجود لوگوں کو اس بارے میں بتائیں کہ ’میں نے اس میسج کا جواب دینا ہے اور پھر میں آپ کے ساتھ شریک گفتگو ہو جاؤں گا۔‘
یہ بھی بتائیں کہ ’میں نے اپنی ٹرین کے اوقات کو دیکھنا ہے‘ یا کہ ’میں نے اپنی ماں کی طرف سے موصول ہونے والے پیغام کا جواب دینا ہے۔‘
اب اس سے آپ کی فون پر مگن رہنے والی عادت میں ایک خلل پیدا ہو گا اور آپ کے فون پر مصروف ہونے کی وجوہات بتانے سے دوسرے لوگوں کو بھی یہ لگے گا کہ ان کی بھی کوئی اہمیت ہے۔
ڈاکٹر کیٹلن ریگر کے مطابق اس طرح اعتماد میں لینے سے دوسروں کو یہ نہیں لگے گا کہ انھیں نظر انداز کیا گیا ہے۔ اس سے آپ جوابدہ بھی رہتے ہیں اور اس بات کے امکانات بھی کم ہیں کہ آپ دوسری ایپس میں مگن ہو جائیں یا زیادہ وقت کے لیے ’سکرولنگ‘ شروع کر دیں۔
اس طرح سے آپ کو تعلقات میں بہتری لانے میں مدد مل سکتی ہے۔
انڈیا میں ’آن لائن گیمنگ‘ پر پابندی سے متعلق نیا قانون: ’کئی لوگ ذہنی دباؤ کا شکار ہوئے اور کچھ نے خودکشی بھی کی‘سکرین ٹائم سے بچوں کے ذہنوں کو پہچنے والا نقصان اندازوں سے زیادہ پیچیدہ موبائل پر سکرولنگ سے دماغ پر ہونے والے منفیاثرات اور اس سے بچنے کے تین آسان طریقےالوداع سمارٹ فون: ’اب میرا دماغ ہر وقت کسی مشین سے نہیں بندھا رہتا‘
ڈاکٹر کلیر ہارٹ یونیورسٹی آف ساؤتھ ہیمپٹن میں سائیکالوجی کے شعبے کی ایسوسی ایٹ پروفیسر ہیں۔ انھوں نے ایک تحقیق کرنے والی ٹیم کی قیادت کی جس میں 196 افراد سے ان کے تعلقات اور فون کے استعمال کے بارے میں بات کی گئی ہے۔
مجموعی طور پر نتائج سے پتا چلا کہ جتنا زیادہ آپ فون پر مگن ہو کر کسی کو نظر انداز ہونے کا احساس دلاتے ہیں اتنا ہی آپ کا رشتہ خراب ہو جاتا ہے۔
Getty Imagesوالدین کے فون کا استعمال چھوٹے بچوں کے ساتھ تعلقات کو کمزور کر سکتا ہے
ان کے مطابق ’ہر کسی کا ردعمل ایک جیسا نہیں ہوتا ہے۔‘
ان کے مطابق یہ شخصیت پر منحصر ہے، لیکن جب کوئی شخص یہ محسوس کرے کہ اسے نظر انداز کیا جا رہا ہے تو یہ احساس انتقامی کارروائی کو جنم دے سکتا ہے۔
’جب آپ اپنا فون اٹھا لیتے ہیں اور تب یہ ایک خطرناک عمل بن جاتا ہے کیونکہ ہر ساتھی یہ سمجھتا ہے کہ اس سے زیادہ اہمیت تو سکرین پر جو دکھائی دے رہا ہے اسے مل رہی ہے۔‘
ہر بار جب آپ فون پر مگن ہوتے ہیں تو اس سے آپ کا باہمی تعلق ختم ہو کر رہ جاتا ہے اور جب آپ ایک دوسرے سے بات چیت کے بجائے سکرین دیکھتے ہیں تو پہلے جیسی حالت میں واپس آنے میں کچھ وقت لگ سکتا ہے۔
موبائل پر سکرولنگ سے دماغ پر ہونے والے منفیاثرات اور اس سے بچنے کے تین آسان طریقےکیا آپ جانتے ہیں کہ آپ اپنا موبائل فون بار بار کیوں استعمال کرتے ہیں؟کیا اب ٹیکنالوجی سے دور رہنے کا مطلب اپنے پیاروں سے بھی دوری ہوگا؟لندن ’محفوظ نہیں‘ رہا: ’میں نے اپنے چوری شدہ فون کو لندن، دبئی اور پھر چین جاتے دیکھا‘انڈیا میں ’آن لائن گیمنگ‘ پر پابندی سے متعلق نیا قانون: ’کئی لوگ ذہنی دباؤ کا شکار ہوئے اور کچھ نے خودکشی بھی کی‘ڈیجیٹل جنریشن اور سکرین ٹائم: آج کی نسل اپنے والدین کے مقابلے میں کم ذہین کیوں ہے؟