شوہر کے ساتھ گھر کا پانی نکالتی رہیں۔۔ سیلاب نے عارفہ صدیقی کے گھر کا کیا حال کیا؟ افسوس ناک ویڈیو

پنجاب میں جاری تباہ کن سیلاب نے کئی زندگیاں اجاڑ دی ہیں۔ دریائے چناب کے بعد راوی اور ستلج بھی بھر گئے ہیں۔ 38 سال بعد دریائے راوی نے ایک بار پھر بہاؤ بدلا اور بادشاہی مسجد کے کناروں کو چھو لیا، جہاں یہ کبھی بہا کرتا تھا۔

اداکارہ عارفہ صدیقی بھی اس قدرتی آفت سے شدید متاثر ہوئی ہیں۔ عارفہ صدیقی اور ان کے شوہر تعبیر حسین لاہور کی نجی سوسائٹی میں رہائش پذیر ہیں، جہاں دریائے راوی کا پانی داخل ہوگیا۔ ان کے گھر کا سارا فرنیچر بہہ گیا جبکہ مکان کی دیواریں اور کمروں میں کیچڑ بھر گیا۔

عارفہ صدیقی اور ان کے شوہر نے اپنے گھر کی بربادی کی ایک ویڈیو بھی شیئر کی ہے جسے دیکھ کر ہر آنکھ نم ہوجاتی ہے۔ یہ مناظر پنجاب میں سیلاب سے ہونے والی حقیقی تباہی اور لوگوں کی مشکلات کی عکاسی کرتے ہیں۔