پنجاب کے ضلع گجرات میں کرکٹ میچ کے دوران اوور نہ دینے کے معاملے پر فائرنگ سےمقتول نوجوان کا بھائی بھی دم توڑ گیا جبکہ زخمی ماموں کا علاج جاری ہے۔
پولیس کا کہنا ہے کہ افسوسناک واقعہ مہسم کے علاقے میں ایک ہفتے قبل پیش آیا تھا جہاں کرکٹ میچ کے دوران اوور نہ دینے کے معاملے پر فائرنگ کی گئی تھی۔
ملزم نے اوور نہ دینے پر کپتان، اس کے بھائی اور ماموں کو فائرنگ کا نشانہ بنایا تھا جس کے نتیجے میں ٹیم کپتان گراؤنڈ میں ہی جاں بحق ہوگیا تھا جبکہ دوسرے نوجوان اور اس کے ماموں کو زخمی حالت میں اسپتال منتقل کردیا گیا تھا۔
پولیس کا کہنا ہے کہ فائرنگ سے زخمی ہونے والا مقتول کپتان کا بھائی بھی چل بسا ہے جبکہ ماموں اسپتال میں زیر علاج ہے، واقعہ میں ملوث ملزم کو گرفتار کرکے مقدمہ درج کرلیا گیا ہےجس سے مزید تفتیش جاری ہے۔