اداکارہ اور ٹی وی میزبان اشنا شاہ نے انکشاف کیا ہے کہ ماضی میں کاسمیٹک پروسیجر کروانے کا تجربہ خوفناک ثابت ہوا، جس کے بعد وہ ہمیشہ کے لیے اس سے توبہ کر چکی ہیں!
اپنے شو میں اداکارہ صرحا اصغر سے گفتگو کے دوران اشنا شاہ نے بتایا:
"میں بہت کم سوتی ہوں، شاید دن میں ایک یا دو گھنٹے۔ اسی وجہ سے میری آنکھوں کے نیچے سیاہ دھبے پڑ چکے ہیں، جنہیں کم کرنے کے لیے میں فلرز کرواتی تھی۔ ایک بار جب میں نے دوبارہ فلرز کروانے کا سوچا، تو ایک سیلون والوں نے پیش کش کی کہ وہ بھی یہ پروسیجر کرتے ہیں، اور میں نے ان پر بھروسا کر لیا۔"
مگر یہ فیصلہ ان کے لیے خطرناک ثابت ہوا! اشنا نے مزید بتایا
"انہوں نے فلرز میں کوئی اور چیز ملا دی، جس سے میری دونوں آنکھیں بُری طرح سوج گئیں۔ مجھے شدید تکلیف ہوئی، اور آخرکار مساج کروا کر یہ فلرز نکلوانا پڑے۔ لیکن اس کے بعد میرے چہرے کے داغ مزید بڑھ گئے، اور اب میری آنکھوں کے نیچے پہلے سے بھی زیادہ گہرے نشانات ہیں۔"
"پہلے میں نے کبھی اس بارے میں بات نہیں کی، مگر اب میں کھل کر کہہ رہی ہوں— میرا تجربہ اتنا برا رہا کہ اب میں دوبارہ ایسی غلطی نہیں دہراؤں گی!"
یہ واقعہ خوبصورتی کے شوقین افراد کے لیے ایک سبق ہے کہ کسی بھی پروسیجر سے پہلے مکمل تحقیق اور مستند ماہرین سے ہی رجوع کیا جائے!