تمنا بھاٹیا اور وجے ورما کے درمیان علیحدگی کیوں ہوئی؟ وجہ سامنے آتے ہی صارفین وجے سے ناراض

بالی وڈ کے مشہور اداکار جوڑے تمنا بھاٹیا اور وجے ورما کے درمیان رومانوی تعلقات کا خاتمہ ہوگیا ہے۔

بھارتی میڈیا میں شائع ہونے والی رپورٹس کے مطابق، دونوں نے باہمی رضا مندی سے اپنی راہیں جدا کرلی ہیں، حالانکہ وہ اب بھی اچھے دوست ہیں، لیکن ان کے درمیان رومانوی تعلقات اب ختم ہوچکے ہیں۔

حیدرآباد کے معروف اخبار "سیاست" نے اپنی رپورٹ میں اس علیحدگی کی وجہ کا انکشاف کیا ہے۔

رپورٹ کے مطابق، تمنا بھاٹیا مستقبل میں شادی کرنے اور اپنے ذاتی زندگی کو سیٹل کرنے کی خواہش رکھتی تھیں، جب کہ وجے ورما اس وقت اس بات کے حق میں نہیں تھے۔ یہی اختلاف دونوں کے درمیان اکثر جھگڑوں کا باعث بن رہا تھا، اور آخرکار یہی اختلافات دونوں کے علیحدگی کا سبب بنے۔

یاد رہے کہ تمنا اور وجے نے 2022 میں ایک دوسرے کو ڈیٹنگ کرنا شروع کیا تھا اور جلد ہی دونوں کو مختلف ایونٹس میں ایک ساتھ دیکھا جانے لگا۔ ان کی پہلی مشترکہ عوامی تقریب بھارتی گلوکار دلجیت دوسانجھ کے کانسرٹ میں تھی، جہاں دونوں کو ایک ساتھ دیکھ کر ان کے مداح خوش ہوگئے تھے۔