خراب انگریزی کی وجہ سے 10 برس تک برطانیہ جانے پر پابندی لگی تھی۔۔ کیا میرا شادی شدہ ہیں؟ والدہ کے انکشافات

شفقت زہرہ بخاری نے جیو نیوز کو انٹرویو دیتے ہوئے کہا، "میرا کی لندن میں آمد کے دوران ایک غلط فہمی کی وجہ سے اسے 10 برس تک برطانیہ میں داخلے پر پابندی لگ گئی تھی۔ حقیقت یہ ہے کہ میرا کو امیگریشن حکام کی انگریزی اچھی طرح سمجھ نہیں آئی تھی، اور ان کے بیچ کمیونیکیشن کا مسئلہ پیدا ہو گیا تھا۔ میرے خیال میں، یہ معاملہ اب ختم ہو چکا ہے، کیونکہ میرا نہ صرف بہترین انگریزی بولتی ہے، بلکہ وہ ایک کامیاب آرٹسٹ بھی بن چکی ہے۔"

انہوں نے مزید کہا، "یہ 10 برس پہلے کی بات ہے، اور اب میرا کی موجودہ کامیاب فلم پروجیکٹس کی وجہ سے لندن آنا انتہائی ضروری ہے۔ اس کی نئی فلم میں لندن کے اہم مناظر کی شوٹنگ کرنی ہے۔ کئی سرمایہ کار بھی اس کے ساتھ نئے پروجیکٹس شروع کرنا چاہتے ہیں۔"

شفقت زہرہ بخاری نے میرا کی ذاتی زندگی کے بارے میں بھی دلچسپ انکشافات کیے اور کہا، "میرا بہت ذہین ہے اور وہ میڈیا میں ہیڈ لائنز بنانے کا ماہر ہے۔ وہ نہ صرف اپنے کام میں مکمل طور پر مصروف رہتی ہے، بلکہ انتہائی فرمانبردار اور اپنے والدین کا بہت خیال رکھتی ہے۔ میری بیٹی نے جو کچھ کمایا ہے، وہ سب میرے حوالے کر دیا ہے اور اپنے بھائی بہنوں کی تعلیم پر بھی توجہ دی ہے۔ میرا کی شادی خوشگوار ہے اور اس کے سسرال والوں کے ساتھ بھی بہت اچھے تعلقات ہیں۔"