جنوری کے پہلے ہفتے میں طویل خشک سالی کے خاتمے کی امید ہے، محکمہ موسمیات نے ملک بھر میں بارشوں اور شدید برفباری کی نوید سنادی۔
محکمہ موسمیات کی جانب سے ملک کے مغربی اور بالائی علاقوں میں تیز ہواؤں اور گرج چمک کے ساتھ بارش اور پہاڑوں پر شدید برفباری کی پیشگوئی کی گئی ہے جبکہ طویل خشک موسم کے بعد بارش کا سبب بننے والی
مغربی ہوائیں آج سے مغربی علاقوں میں داخل ہونگی اور یہ مغربی ہوائیں 06 جنوری تک بالائی علاقوں پر موجود رہیں گی۔
دیامیر، استور، غذر، اسکردو، ہنزہ، گلگت، گا نچھے اور شگر میں وقفے وقفے سےبارش اور شدید برفباری کا امکان ہے جبکہ وادی نیلم، مظفر آباد، پونچھ، ہٹیاں، باغ، حویلی، سدھنوتی، کوٹلی، بھمبر، میر پور میں تیز ہواؤں اور گرج
چمک کے ساتھ وقفے وقفے سے بارش اور شدید برفباری متوقع ہے۔
محکمہ موسمیات کے مطابق چترال، دیر، سوات، شانگلہ، کوہستان اور مانسہرہ میں بھی اگلے 5 روز کے دوران بارش کا امکان ہے جبکہ ایبٹ آباد، ہری پور، بونیر، باجوڑ، مہمند، خیبر اور اورکزئی مِں بارش اور پہاڑوں پر برفباری
ہوسکتی ہے۔
اس کے علاوہ کرم، وزیرستان، پشاور، چارسدہ، نوشہرہ، صوابی، بنوں، کرک اور کوہاٹ میں بھی وقفے وقفے سے بارش اور پہاڑوں پر شدید برفباری کا امکان ہے جبکہ مری اورگلیات میں بھی وقفے وقفے سے تیز ہواؤں اور گرج
چمک کے ساتھ بارش اور شدید برفباری کی توقع ہے۔
محکمہ موسمیات کے مطابق کل سے اسلام آباد، پوٹھوہار ریجن، سرگودھا اور میانوالی میں بارش کا امکان ہے جبکہ بھکر، خوشاب، حافظ آباد، گوجرانوالہ اور منڈی بہاؤالدین مِں بھی بارش کی پیشگوئی کی گئی ہے۔
گجرات، سیالکوٹ، نارووال، لاہور، شیخوپورہ، فیصل آباد، جھنگ اور ٹوبہ ٹیک سنگھ میں تیز ہواؤں اور گرج چمک کے ساتھ وقفے وقفے سے بارش کا امکان ہے جبکہ ملتان، ڈیرہ غازی خان، لیہ، مظفر گڑھ اور تونسہ شریف میں
بھی کل ست بارش کی پیشگوئی کی گئی ہے۔
علاوہ ازیں خانیوال، ساہیوال، پاکپتن، اوکاڑہ اور بہاولنگر میں بھی تیز ہواؤں اور گرج چمک کے ساتھ ہلکی بارش کی توقع ہے جبکہ کوئٹہ، زیارت، چمن، پشین، قلعہ عبداللہ اور قلعہ سیف اللہ مِں بارش کی پیشگوئی کی گئی ہے، تاہم
چاغی، نوشکی، قلات، خضدار،ہرنائی، ژوب اور موسیٰ خیل میں وقفے وقفے سے تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
03 جنوری اور 04 جنوری 2025 کو بالائی سندھ میں بھی تیز ہواؤں اور گرج چمک کے ساتھ ہلکی بارش کا امکان ہے جبکہ شدید برفباری کے باعث مری، گلیات، ناران اور کاغان میں سڑکوں کی بندش کا خدشہ، دیر، سوات،
کوہستان، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ، حویلی، کوئٹہ، زیارت، چمن، پشین، قلعہ عبداللہ اور قلعہ سیف اللہ میں سڑکوں کے بند ہونے اور پھسلن کی وجہ سے ٹریفک کی روانی میں خلل کا
اندیشہ ہے۔