سدھو واپس آگیا۔۔ والدین نے سدھو موسے والا کے چھوٹے بھائی کی پہلی تصویر شیئر کردی، مداح جذباتی

بھارتی پنجابی سنگر سدھو موسے والا کے والدین نے بڑے بیٹے کے قتل کے بعد پیدا ہونے والے چھوٹے بیٹے شبھدیپ سنگھ کی پہلی تصویر شیئر کردی۔

بلکار سنگھ (والد) نے انسٹاگرام پر ایک تصویر شیئر کی جس میں ننھے شبھدیپ چہرے پر مسکراہٹ سجائے والد کی گود میں بیٹھے ہیں، جبکہ انکی والدہ چرن کور برابر میں بیٹھی ہیں۔

تصویر کے ساتھ انہوں نے لکھا کہ، میں خدا کا شکر ادا کرتا ہوں کہ اس نے مجھے ایک اور بیٹے سے نوازہ۔

ساتھ ہی دوسری پوسٹ میں انہوں نے ایک ویڈیو شیئر کی جس میں سدھو موسے والا، ان کے والدین اور چھوٹے بھائی کی تصویریں دکھائی گئیں۔

اس تصویر کو دیکھتے ہی سدھو موسے والا کے فینز جذباتی ہوگئے اور ان کا کہنا تھا کہ، ”سدھو واپس آگیا، چھوٹا سدھو اپنے بڑے بھائی جیسا دکھتا ہے“۔