پاکستانی اداکار دانش تیمور نے ساتھی اداکار عمران اشرف کیلئے لڑکی ڈھونڈنے کا فیصلہ کر لیا ہے۔
عمران اشرف نے سال 2018 میں کرن اشفاق سے شادی کی تھی اور ان کے ہاں 2020 میں بیٹے روحام کی پیدائش ہوئی تھی، جس کے بعد اسی سال جوڑے نے علیحدگی کا فیصلہ لیتے ہوئے طلاق کی تصدیق کردی تھی۔ اور اب کرن اشفاق دوسری شادی کر چکی ہیں جبکہ عمران تاحال غیر شادی شدہ ہیں۔
حال ہی میں عمران اشرف کے ٹاک شو 'مذاق رات' میں دانش تیمور نے بطور مہمان شرکت کی جہاں اچانک سے شادی کا موضوع کھل گیا اور بات میزبان تک آ پہنچی۔
دانش نے کہا یہاں عمران بھی موجو ہیں جن کی شادی ہونا باقی ہے یہ خود سے نہیں بولے گا ظاہر ہے مشرقی لڑکا ہے شرما جاتا ہے، لیکن میں یہ ذمہ اپنے سر لیتا ہوں۔
انہوں نے مزید چھیڑتے ہوئے کہا کہ اگر کوئی لڑکی عمران سے شادی کرنا چاہتی ہے تو وہ مجھ سے رابطہ کرئے میں عمران سے بات کروا دوں گا۔
ساتھ ہی دانش نے حاضرین سے مخاطب ہو کر بولا، میں عائزہ کے ساتھ ہوتا ہوں اور یہ اکیلا تو کیوں نہ اس کے لیئے بھی ایک عائزہ جیسی لڑکی ڈھونڈی جائے؟ جس پر سب نے یک زبان ہو کر ہاں میں ہاں ملائی۔
اس ساری نوک جھوک میں عمران اشرف خاصے جھینپ سے گئے تھے۔