بالی ووڈ سپر اسٹار سلمان خان کی چھوٹی بہن ارپیتا خان نے بھائی کا دیا ہوا تحفہ کروڑوں میں فروخت کردیا۔
بھارتی میڈیا رپورٹ کے مطابق، ارپیتا خان نے حال ہی میں اپنے ممبئی کے پوش علاقے میں واقع 'فلائنگ کارپٹ بلڈنگ' میں موجود 2500 مربع فٹ کے اپارٹمنٹ کو 22 کروڑ روپے میں فروخت کر دیا۔
ذرائع کے مطابق، یہ لگژری اپارٹمنٹ سلمان خان نے اپنی لے پالک بہن اور ان کے شوہر آیوش شرما کو بطور تحفہ 2017 میں دیا تھا۔
مختلف رپوٹس میں بتایا گیا ہے کہ اُس وقت اس اپارٹمنٹ کی قیمت 18 کروڑ روپے تھی، جبکہ اب یہ 22 کروڑ میں فروخت ہوا ہے۔
اگر گھر کی بات کریں تو یہ اپارٹمنٹ نہ صرف بہت شاندار اور بڑا ہے بلکہ اس میں 1600 مربع فٹ کا ایک وسیع ٹیرس بھی شامل ہے۔ اس کے ساتھ ہی نو گاڑیوں کی پارکنگ کی سہولت بھی موجود تھی۔