بھارت کے مشہور ٹیلی ویژن کرائم شو کی اداکارہ نے محبت کی خاطر 3 سالہ بچے کو اسکول سے اغواء کرلیا۔
بھارتی میڈیا کے مطابق، کرائم پیٹرول کی اداکارہ شبرین حقیقی زندگی میں کرائم کر بیٹھیں، شبرین کو بچے کو اغوا کرنے کے جرم میں پولیس نے گرفتار کرلیا ہے، اداکارہ نے اپنے بوائے فرینڈ کے بھانجے کو اغوا کیا تھا، ماہراشٹرا پولیس نے انھیں اتوار 20 اکتوبر کو حراست میں لیا۔
رپورٹ کے مطابق، اداکارہ کے بوائے فرینڈ برجیش سنگھ کی فیملی کمیونٹی مختلف ہونے کی وجہ سے شبرین کے ساتھ شادی کی مخالف تھی اس وجہ سے اداکارہ کو ان پر غصہ تھا۔
پولیس نے بتایا کہ، شبرین نے چھوٹے بچے پرنس کو ہفتے کے روز اس کے اسکول سے اغوا کیا، اور اسکول انتظامیہ کو بتایا کہ وہ بچے کو میڈیکل ایمرجنسی کی وجہ سے لینے آئی ہے۔ جب پرنس دوپہر تک گھر نہیں آیا تو اہلخانہ نے اسکول جا کے پوچھ گچھ کی تو پتا چلا کہ اسے تو شبرین لے گئی ہے۔ بچے پرنس کو ایک فلیٹ میں رکھا گیا تھا جہاں سے پولیس نے اسے بازیاب کرایا اور شبرین کو گرفتار کیا۔