یہ تم ہو یا کوئی تم سا ہے۔۔ جان ابراہم کے عربی ہمشکل کی سوشل میڈیا پر دھوم، ویڈیو وائرل

اکثر وبیشتر سوشل میڈیا پر اداکاروں کے ہمشکل یا ان کی نقل کرنے والے لوگوں کی تصویریں اور ویڈیوز وائرل ہوتی رہتی ہیں۔

اور اب بالی ووڈ کے مشہور اداکار جان ابراہم کے ہم شکل نے سوشل میڈیا آ کر پر دھوم مچادی ہے۔

بھارتی میڈیا کے مطابق، الیاس کرسٹوفرڈیس نامی یہ غیر ملکی اداکار انسٹاگرام پر اپنی تصاویر اور ویڈیوز پوسٹ کر کے مداحوں کی توجہ حاصل کر رہا ہے۔

الیاس کی خاص بات یہ ہے کہ اس کی شکل اور اسٹائل بلکل بھارتی اداکار جان ابراہم سے ملتے جلتے ہیں، اور اسی لیئے انہیں 'عربی جان ابراہم' کا لقب دیا جا رہا ہے۔

وائرل ہونے والی ویڈیو میں الیاس نے جان ابراہم کی فلم ویلکم بیک کے ایک گانے پر لپ سنگ کی ہے اور ساتھ ہی بھارتی مداحوں کا شکریہ ادا کرتے ہوئے لکھا کہ، "یہ میرے بھارتی دوستوں کے لیئے ہے۔"۔