شاہد کو کاسٹ کرنے کا موقع ملا، حالانکہ اس وقت پروڈیوسر شہزاد رفیق اور دیگر لوگ اس کے مخالف تھے کیونکہ شان کی فلمیں فلاپ ہو رہی تھیں۔ میں نے ضد کی کہ شان ہی یہ کردار ادا کریں گے۔ فلم کے ڈسٹریبیوٹرز نے بھی اعتراض کیا اور اپنی رقم واپس مانگی، لیکن میں اپنے فیصلے پر قائم رہا۔ جب فلم ریلیز ہوئی تو شان شاہد اور صائمہ نور کی پرفارمنس کو بے حد سراہا گیا اور یہ ان دونوں کے لیے ایک زبردست کم بیک تھا۔"
یہ کہنا ہے معروف فلم ساز سید نور کا جنھوں نے حال ہی میں ایک پوڈکاسٹ کے دوران شان شاہد کے کیریئر کو ایک نئی زندگی دنے کا واقعہ شئیر کیا۔
سید نور نے انکشاف کیا کہ 1996 کی فلم گھونگٹ میں پہلے نعمان اعجاز کو مرکزی کردار دیا گیا تھا جبکہ شان کو کاسٹ کرنے پر ڈسٹریبیوٹرز بھی نالاں تھے اور انہوں نے فلم سے ہاتھ کھینچنے کی دھمکی دی۔ یہاں تک کہ کچھ نے اپنی سرمایہ کاری کی رقم بھی واپس مانگی۔
لیکن سید نور نے اپنی ضد پر قائم رہتے ہوئے کہا کہ فلم شان شاہد کے ساتھ ہی بنے گی۔ جب آخرکار گھونگٹ سینما گھروں میں پیش کی گئی تو شان شاہد اور صائمہ نور کی شاندار پرفارمنس نے ناقدین اور شائقین کو حیران کر دیا۔ اس فلم نے دونوں اداکاروں کے کیریئر کو دوبارہ پٹری پر لانے میں اہم کردار ادا کیا اور انہیں ایک نئی کامیابی سے ہمکنار کیا۔