بالی وڈ کی نامور جوڑی دیپیکا اور رنویر اس وقت اپنے گھر آنے والے ننھے مہمان کو خوش آمدید کہنے کی تیاریوں میں مگن ہیں.
جہاں دیپیکا پہلی بار ماں بننے کے عمل سے گزرنے والی ہیں وہیں میڈیا میں بچے کی جنس سے متعلق پیش گوئیاں بھی کی جارہی ہیں البتہ حال ہی میں بھارتی میڈیا نے دیپیکا کے ہونے والے بچے سے متعلق عجیب و غریب دعویٰ کیا ہے.
بھارتی میڈیا کا کہنا ہے کہ دیپیکا اُسی تاریخ کو اپنے پہلے بچے کو جنوبی ممبئی کے مقامی اسپتال میں جنم دیں گی جس تاریخ کو ان کے سابقہ دوست رنبیر کپور کی سالگرہ ہے۔
واضح رہے کہ رنبیر کپور کی سالگرہ 28 ستمبر کو ہوتی ہے اور ممکنہ طور پر اسی دن دیپیکا کے ہاں بچے کی پیدائش ہوگی.
رنویر سے شادی سے پہلے دیپیکا اور رنبیر کی آپس میں گہری دوستی تھی اور بہت ممکن تھا کہ دونوں آپس میں شادی کر لیتے مگر پھر اس جوڑے نے اپنی راہیں جدا کر لیں.