"میرا تعلق ایک بہت ہی غریب گھرانے سے تھا جہاں پیسوں کی تنگی تھی اور میرے والد بہت سخت مزاج کے آدمی تھے. اپنے والد کے برتاؤ، غصے اور خاندان کی غربت سے تنگ آ کر صرف 13 برس کی عمر میں خود کشی کی کوشش بھی کی تھی"
یہ کہنا ہے بالی وڈ میں دہائیوں سے سب کے چہروں پر ہنسی بکھیرنے والے لیجنڈ مزاحیہ اداکار جونی لیور کا جنھوں نے ایک انٹرویو کے دوران اپنے ماضی اور بچپن کی تلخ یادوں کو دہرایا.
جونی لیور کا کہنا تھا کہ "میں پتا جی کے رویے سے مایوس اور دلبرداشتہ ہو کر ٹرین کی پٹریوں پر جا کر لیٹ گیا تھا لیکن پھر اپنی بہنوں کی آنکھ میں آنسو دیکھے تو وہ پٹری سے اٹھ کھڑا ہوا"
جونی لیور کا کہنا تھا کہ ان کا بچپن اور جوانی سخت مشکلات میں کٹے ہیں اور انھوں نے بہت مشکل حالات کا سامنا کیا ہے. یہاں تک کل بچپن میں بہت سے لوگوں کو اپنے سامنے قتل ہوتے ہوئے بھی دیکھا. اگر قسمت انھیں اداکاری کی دنیا میں نہ لاتی تو ہوتے تو وہ یقینی طور پر کوئی گینگسٹر ہوتے. اسی وجہ سے وہ شوبز انڈسٹری میں کام ملنے کے شکر گزار ہیں.