اگر صحیح عمر میں شادی ہوجاتی تو ۔۔ سرفراز احمد کا بابر اعظم اور امام الحق پر طنز، دلچسپ ویڈیو نے سب کو ہنسا دیا

ہماری ویب  |  Jul 11, 2023

پاکستان کرکٹ ٹیم ان دنوں سری لنکا میں موجود ہے جہاں ان کے درمیان ٹیسٹ سیریز کھیلی جائے گی اور اس کیلیئے قومی ٹیم نے پریکٹس بھی شروع کردی ہے۔

پریکٹس سیشن کے دوران کھلاڑیوں کے بیچ ہنسی مذاق تو چلتا رہتا ہے، ایسی ہی ایک مزاحیہ ویڈیو منظرِ عام پر آئی ہے جسے دیکھ کر سب ہنس پڑے

ویڈیو میں دیکھا جاسکتا ہے کہ کپتان بابر اعظم اور امام الحق گود میں بچے اٹھائے کھڑے ہیں، دونوں کھلاڑی بچوں کو پیار سے گود میں لیئے ہوئے ہیں۔

اس منظر کو دیکھ کر سرفراز احمد سے کنٹرول نہیں ہوا اور انھوں نے دونوں کا مذاق اڑاتے ہوئے کہا کہ، "اگر آپ لوگ وقت پر شادی کر لیتے تو آج آپ کے بچے اس عمر کے ہوتے۔"

ان کی یہ بات سن کر وہاں کھڑے باقی کھلاڑی بھی ہنس دیئے۔

واضح رہے قومی ٹیم اتوار کو سری لنکا پہنچی تھی، دونوں ٹیموں کے درمیان پہلا ٹیسٹ 16 جولائی سے شروع ہوگا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More