پاکستان کے مشہور کامیڈین افتخار ٹھاکر کی گاڑی کو لاہور میں ڈیوس روڈ ناکے پر روک لیا گیا۔
گاڑی کو ٹوکن ٹیکس کی عدم ادائیگی پر محکمہ ایکسائز کی جانب سے راستے میں روکا گیا تھا۔
تفصیلات کے مطابق، لاہور میں ایکسائز اینڈ ٹیکسیشن حکام نے ٹوکن ٹیکس کی عدم ادائیگی پر کامیڈین افتخار ٹھاکر کی گاڑی کو روک کر ان سے پوچھ گچھ کی، جس کے جواب میں افتخار نے موقع پر ہی ٹیکس ادا کردیا۔
ڈائریکٹر ایکسائز محمد آصف کے مطابق، افتخار ٹھاکر نے موقع پر ہی ٹوکن ٹیکس جمع کرادیا، اور بات وہیں ختم ہوگئی۔
اس بات پر کامیڈین افتخار کا کہنا تھا کہ، آج کل بینکوں کی ڈیجیٹل سروس یعنی موبائل ایپ نے کافی آسانی کردی ہے، جس سے موقع پر ہی ٹیکس ادا کرکے جان چھڑائی جاسکتی ہے۔
انھوں نے دوسروں کو بھی مشورہ دیتے ہوئے کہنا تھا کہ، اگر آپ کو بھی کبھی ایکسائز والے روکیں تو غصہ نہیں کریں، بلکہ اپنی ذمہ دار پوری کریں۔