بھارتی اداکارہ امرتا راؤ جنہوں نے شاہ رخ خان کے ساتھ فلم میں ہوں نا اور شاہد کپور کے ساتھ فلم ویواہ سے شہرت پائی، ان کا خؤش اخلاق اور سادہ مزاج ان کی پہچان کی وجہ بنا لیکن ویواہ فلم میں ان کا مضبوط کردار ان کے بہترین اداکارہ ہونے کا ثبوت دیتا ہے۔ یہ اچانک انڈسٹری سے غائب ہوچکی تھیں اور انہوں نے سب سے چھپ کر شادی کرلی تھی۔ آج شادی کے 9 سال بعد انہوں نے اپنے شوہر ریڈیو آرٹسٹ آر جے انمول کے ساتھ شادی کی حقیقت سے پردہ اٹھایا۔
دونوں نے اپنی شادی کے بارے میں بتاتے ہوئے کہا کہ ہم سادگی سے شادی کرنا چاہتے تھے اس لیے ہم نے پونا میں اپنے گھر والوں کے ساتھ خفیہ تقریب رکھی اور کسی دوسرے کو مدعو نہ کیا۔ شادی کا خرچہ صرف ڈیڑھ لاکھ روپے تھا اور اداکارہ امرتا نے کسی ڈیزائنر سے جوڑا تیار نہیں کروایا بلکہ عام بازار سے صرف 3 ہزار روپے میں خریدا تھا۔ دولہے کا جوڑا ڈیڑھ ہزار روپے کا تھا جبکہ پونا میں شادی ہال سے قریب ایک ہوٹل کے کچھ کمرے بُک کروائے تھے جن کی کل لاگت 36 ہزار روپے کے قریب تھی۔ شادی میں روایتی کھانے رکھے گئے تھے۔
شادی کے مقام پر بھی صرف 11 ہزار روپے خرچ ہوئے۔ یہاں پر سادگی سے کھانا ٹیبل پر رکھا گیا تھا سب نے میانہ روی اور بہت صاف صفائی کے ساتھ کھایا۔ میں شادی کے لیے خود ہی تیار ہوئی، کچھ میک اپ آرٹسٹ نے کیا اور مجھے ساڑھی پہنانے اور باندھنے میں میری نانی اور مامی نے مدد کی اور پھر اس کے بعد ہم گھومنے چلے گئے تھے۔