بے شک تابوت جتنا چھوٹا ہوتا ہے اس کا وزن اتنا ہی زیادہ ہوتا ہے کیونکہ اس میں بچے کے ساتھ والدین کے خواب، امیدیں اور پیار بھی ہوتا ہے۔ معروف ماڈل اور اداکار عماد ارفانی بھی اسی کڑے وقت سے گزر رہے ہیں۔ سوشل میڈیا پر ان کی دوست شانزے شیخ کی لگائی گئی پوسٹ کے مطابق عماد ارفانی کے بیٹے زاویار عرفانی کا انتقال ہوگیا ہے۔
شانزے شیخ لکھتی ہیں کہ عماد عرفانی کے صاحبزادے زاویار عرفانی کا آج انتقال ہوگیا ہے۔ برائے مہربانی ان کے لئے سورہ فاتحہ پڑھیں۔ اللہ مرحوم کی بخشش اور والدین کو صبر عطا فرمائے“
واضح رہے کہ عماد عرفانی اپنی نجی زندگی کو عوام کی نظروں کا مرکز نہیں بناتے اور اسے پرسنل رکھنا ہی پسند کرتے ہیں۔ زاویار عرفانی کے اچانک انتقال کی وجہ بھی ابھی تک سامنے نہیں آئی ہے۔