ان دنوں پاکستانی ڈرامہ تیرے بن کافی مقبول ہو رہا ہے، سوشل میڈیا صارفین ہوں یا پھر ٹی وی ناظرین سب ہی ڈرامے کو پسند کر رہے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
جیو ٹی وی کے ڈرامے تیرے بن نے سب کی توجہ اپنے بہترین اسٹوری کی وجہ سے تو سمیٹی ہی ہے، تاہم اداکارہ یمنیٰ زیدی اور وہاج علی کی اداکاری سب کو خوب بھا گئی ہے۔
لیکن اس سب میں اداکارہ یمنیٰ زیدی کا کہنا تھا کہ تیرے بن میں میرب کا کردار ادا کرنے کے لیے مجھ سے پہلے دو اداکاراؤں کو آفر دی گئی تھی۔
جیو نیوز کے مطابق تیرے بن ڈرامے میں میرب کا کردار نبھانے والی اداکارہ یمنیٰ زیدی نے اس بات کا انکشاف کیا کہ انہیں یہ کردار آفر ہونے سے پہلے دو اداکاراؤں کو بھی یہی کردار آف ہو چکا تھا۔
ان اداکاراؤں میں عائزہ خان اور نیلم منیر شامل ہیں، تاہم دونوں نے اس آفر کو مسترد کر دیا تھا۔ اسی حوالے سے وہ تذبذب کا شکار بھی تھیں کہ اتنی صف اول کی اداکاراؤں نے جب یہ کردار کرنے سےمنع کر دیا اور وہ اس کردار کو نبھانے والی تھیں۔
تاہم یمنیٰ زیدی نے یہ کردار کچھ یوں نبھایا کہ ناظرین اور سوشل میڈیا صارفین کو خوب بھا گیا۔ نہ صرف یہ کردار پاکستانی ناظرین بلکہ بین الاقوامی ناظرین کی توجہ بھی خوب سمیٹ رہا ہے۔