آنکھوں میں کیڑے نظر آتے ہیں ۔۔ کیا آپ کو بھی ایسا لگتا ہے تو جانیں ہماری آنکھوں کے سامنے یہ عجیب سے کیڑے کیوں ناچنے لگتے ہیں؟

بعض اوقات ایسا محسوس ہوتا ہے کہ ہمیں اپنی آنکھوں میں سانپ دکھائی دینے لگتے ہیں یا کچھ اس قسم کے چھوٹے باریک اور تار نما کیڑے دکھائی دینے لگتے ہیں۔ کچھ لوگ ان کو سانپ کہتے ہیں تو کچھ کو یہ بچھوؤں کی طرح محسوس ہونے لگتے ہیں۔ اکثر آپ نے سنا ہوگا کہ کچھ لوگ اس کو جادو ٹونا سمجھنے لگتے ہیں چونکہ ہمارے ہاں تعلیم کی بڑی کمی ہے۔ بہرحال کسی چیز کو دیکھتے ہوئے اچانک آنکھوں کے سامنے عجیب سے کیڑے ناچنا شروع ہو جائیں تو اس کا کیا مطلب ہے؟ دراصل آنکھوں کے سامنے ننھے کیڑوں جیسا اسٹرکچر حرکت کرتا نظر آتا ہے۔

ایسا اس وقت ہوتا ہے جب ہم کسی تیز روشنی یا ہموار چیز جیسے آسمان، برف یا سفید اسکرین کو کچھ دیر دیکھتے ہیں۔ اسے میں Muscae volitantes یا فلائنگ فلائیز کہا جاتا ہے یہ کیڑے ہماری نظروں کا دھوکا نہیں ہوتے بلکہ حقیقت میں موجود ہوتے ہیں اور آنکھوں کے اندر حرکت کررہے ہوتے ہیں۔ ہماری آنکھوں کے سامنے کورنیا ہوتا ہے اور اس کے پیچھے پتلی ہوتی ہے جس کے پیچھے aqueous humour ہوتا ہے جو بنیادی طور پر سیال کا چھوٹا سا ذخیرہ ہوتا ہے جس میں ٹشو، خون کے سرخ خلیات یا پروٹین کے ذرات موجود ہوتے ہیں۔ یہ جیل جیسا مادہ ہوتا ہے جو عدسے اور پردہ چشم کے درمیان ہوتا ہے۔

آنکھوں میں روشنی عدسے کے ذریعے داخل ہوتی ہے اور پردہ چشم کے خلیات کو متحرک کرتی ہے۔ اس دوران کئی بار جیل نما مادے میں موجود ذرات یا فلائنگ فلائیز پردہ چشم پر اپنا ایک سایہ چھوڑ دیتے ہیں۔ یوں ان عجیب کیڑوں جیسی تصویریں ہماری آنکھوں کے سامنے دکھائی دیتی ہیں۔ لیکن یہ کوئی خاص مسئلہ نہیں اور اس سے پریشان ہونے کی ضرورت بھی نہیں ہوتی کیونکہ چند سیکنڈ بعد یہ عجیب کیڑے غائب بھی ہوجاتے ہیں۔