پاکستان کے مشہور سینئر اداکار طارق جمیل پراجہ جہاں فانی سے کوچ کر گئے۔
طارق جمیل پراچہ ایک مشہور اداکار ہونے کے ساتھ ساتھ ایک بہترین پروڈیوسر بھی تھے۔
طارق جمیل نے اپنے کیریئر کا آغاز پی ٹی وی کے سیٹ ڈیزائنر کے طور پر کیا مگر وہ ایک بہترین پروڈیوسر کے طور پر جانے جاتے تھے، انہوں نے پہلا ڈرامہ 'آنچ' بنایا جسے کافی مقبولیت حاصل ہوئی۔
اس کے بعد انہوں نے اداکاری کے میدان میں بھی قدم رکھا اور خوب نام کمایا۔ ان کے مشہور ڈراموں میں دل مومن، سات پردوں میں، پیار نام کا دیا، اڑان اور محبت چھوڑ دی میں نے شامل ہیں۔
سینئر اداکار کے انتقال کی افسوس ناک خبر پر شوبز کے دیگر اداکاروں نے افسوس کا اظہار کرتے ہوئے ان کے لیے دعائے مغفرت بھی کی۔