معروف بھارتی اداکارہ راکھی ساونت اکثر نماز پڑھنے کی ویڈیوز سوشل میڈیا پر اپ لوڈ کرتی رہتی ہیں مگر اس مرتبہ وہ نماز پڑھنے کی ویڈیو میں صارفین کی تنقید کا نشانہ بن رہی ہیں اور وجہ بنا ان کا نامناسب لباس۔
ہماری ویب ڈاٹ کام میں آپ کو راکھی ساونت کی نماز سے متعلق بتائیں گے۔
راکھی ساونت نے حال ہی میں نماز پڑھنے کی ویڈیو اپنے انسٹاگرام اکاؤنٹ پر شئیر کی جو جس میں انہیں یوگا کارپٹ پر نماز ادا کرتے دیکھا گیا۔
نماز میں وہ اپنے لباس کی وجہ سے سخت تنقید کی زد میں آئیں کیونکہ ان کے ٹخنے نظر آرہے ہیں۔ سوشل میڈیا صارفین راکھی ساونت کو درست لباس میں نماز پڑھنے کے صحیح طریقے کے بارے میں بتا رہے ہیں۔
سوشل میڈیا صارفین کا کہنا ہے کہ اداکارہ کو یوں نماز ادا کرنے سے پہلے اسلام کے بارے میں چند بنیادی معلومات حاصل کرنے کی ضرورت ہے جن میں نماز کی ادائیگی کا صحیح طریقہ بھی شامل ہے۔
ایک صارف نے لکھا کہ یہ نماز نہیں ہے، ایسی نماز اللہ کے پاس نہیں جاتی، اچھا ہوگا پہلے آپ نماز پڑھنا سیکھ لیں۔
دوسرے صارف کا کہنا تھا کہ اتنی کم لمبائی والی پتلون میں نماز نہیں ہوتی، کیوں بار بار مزاق اڑاتی ہو۔
خیال رہے راکھی ساونت نے اسی سال اسلام قبول کرنے کا دعویٰ کیا تھا۔