مشہور کامیڈین ذاکر مستانہ شدید بیمار ۔۔ ساتھیوں نے عوام سے دعاؤں کی اپیل کردی

مشہور کامیڈین ذاکر مستانہ جو پاکستان ہی نہیں دنیا بھر میں سٹیج ڈرامے اور تھیٹر پر اپنی جاندار کامیڈی کی وجہ سے پہچانے جاتے ہیں، ان دنوں علیل ہیں۔ ان کے بیٹے اور ساتھیوں نے عوام سے دعا کی اپیل کی ہے۔ ذاکر اس وقت کراچی کے طبا ہارٹ ہسپتال میں زیرِ علاج ہیں۔

کامیڈین کی آج اوپن ہارت سرجری ہے جس کی وجہ سے گھر والے شدید پریشان ہیں اور دعائیں کرنے کے لیے کہہ رہے ہیں۔ ان کو دل کا مسئلہ ہونے کے ساتھ ساتھ جگر کا مرض بھی ہے۔

واضح رہے 2014 میں ذاکر مستانہ نے سٹیج شوٹننگ کے دوران پانی کی جگہ فینائل پی لیا تھا جس کی وجہ سے وہ بہت بیمار ہوگئے تھے اور اس کے بعد ان کی طبیعت میں خرابی کئی مرتبہ ہوئی ہے۔