اپنی بیوی کے ہی کپڑے پہن کر آگئے ۔۔ علی ظفر نے بیگم کا عورتوں والا لباس کیوں پہنا؟ سوشل میڈیا پر مداحوں کی تنیقد

علی ظفر کی ایک ویڈیو کچھ دنوں سے انسٹاگرام پر خوب وائرل ہو رہی ہے جس میں دیکھا جا سکتا ہے کہ علی ظفر اپنی بیوی کی قمیض پہن کر ایوارڈ شو میں آگئے ہیں۔

علی ظفر سے جب پوچھا گیا تو انہوں نے بتایا کہ خواتین کے لئے منعقدہ یہ تقریب جو اگلے روز نشر ہونے والی ہے جس میں، میں پرفارم کرنے والا ہوں اور اُن خواتین کو خراج تحسین پیش کر رہا ہوں جنہوں نے اپنی پرواہ کئے بغیر اپنی زندگی اپنے اہل خانہ کے لئے وقف کردی، ان میں میری والدہ اور اہلیہ بھی شامل ہیں۔ میں نے اپنی اہلیہ سے اظہار محبت کرنے کے لئے اس کے کپڑے پہنے ہیں۔

گلوکار نے مزید کہا کہ یہ ایک جاپانی ڈیزائنر کے تیار کردہ کپڑے ہیں۔ یہ لباس اپنی بیوی کی فرمائش پر ان خواتین کو خراج تحسین پیش کرنے کے لیے پہنا جنہوں نے کسی نہ کسی مشن پر کام کیا اور دوسرے لوگوں کی زندگیاں آسان بنائیں۔