جب کوئی مشہور شخصیت زندہ ہوتی ہے تو اس کے گھر لوگوں کا اور چاہنے والوں کا تانتا بندھا ہوتا ہے۔ البتہ ان کے مرنے کے بعد بھی اننکے چاہنے والے وہاں جاکر اپنی من پسند اشخاص کی یادیں تازہ کرتے ہیں۔ ایسے ہی دو نامور شخصیات کے گھر آج ہم آپ کو لے کر چل رہے ہیں جہاں ان کے مرنے کے بعد یادوں کے علاوہ کچھ باقی نہیں بچا

نصرت فتح علی خان کا گھر

اس نام سے کون واقف نہیں۔ نصرت صاحب پاکستان میں ہی نہیں دنیا بھر میں مشہور تھے۔ ان کا گھر جس کا تالہ کبھی وہ اپنے ہاتھوں سے کھولا کرتے ہوں گے آج زنگ آلود موجود ہے۔ ان کے گھر کے اندرونی حصے میں ایک بڑا سا برآمدہ ہے جس میں اوپر کی جانب جاتی ہوئی سیڑھیاں اور ایک اونچی سی کھڑکی ہے جس سے نیچے کا نظارہ لہا جاسکتا ہے۔ اس گھر میں اب کوئی نہیں رہتا اور مکان کی حالت کافی خستہ ہے

چاکلیٹی ہیرو وحید مراد کا گھر

نوجوانی میں ہی شہرت کی بلندیوں کو چھوڑ کر ابدی نیند سو جانے والے وحید مراد کو ان کے مداح آج بھی یاد کرتے ہیں۔ وحید مراد کا گھر ان کے انتقال کے بعد ان کی بیوہ نے بیچ دیا تھا۔ جس شخص نے ان کے گھر کو خریدا اس نے وہاں رہائش اختیار کرنے کے بجائے گھر کے لئے ایک چوکیدار رکھ دیا۔ وحید مراد کی یادوں سے لبریز وہ گھر اب سنسان ہے

مداح آج بھی قبر پر پھول لے کر آتے ہیں

اس گھر کے ساتھ ہی وحید مراد صاحب کی قبر موجود ہے جسے نیچے دی گئی ویڈیو میں دیکھا جاسکتا ہے۔ ان کے چاہنے والے آج بھی ان کی مغفرت کی دعا کرنے آتے ہیں۔ ان کی قبر پر پھولوں کے ہار دیکھے جاسکتے ہیں