بھارتی اداکار ستیش کوشک 66 سال کی عمر میں دنیا سے چل بسے۔ بھارتی میڈیا رپورٹس کے مطابق ان کو دل کا دورہ پڑا جسکے بعد وہ جانبر نہ ہوسکے اور آج صبح ان کی موت ہوگئی۔
ستیش کوشک کی موت کی خبر ان کے قریبی دوست انوپم کھیر نے اپنے ٹوئٹ کے ذریعے دی اور لکھا کہ:
"
میں جانتا ہوں کہ موت اس دنیا کی آخری سچائی ہے، لیکن میں نے خوابوں میں بھی نہیں سوچا تھا کہ میں یہ بات کسی دن اپنے بہترین دوست کے بارے میں لکھوں گا، 45 سال کی دوستی پر ایسا اچانک فل اسٹاپ لگ گیا، آپ کے بغیر زندگی کبھی ایک جیسی نہیں رہے گی ستیش۔
"
ستیش نہ صرف ایک اداکار بلکہ کامیڈین، اسکرین رائٹر، ہدایتکار اور پروڈیوسر بھی تھے۔ جو 13 اپریل 1956 کو ہریانہ میں پیدا ہوئے۔ انہوں نے بالی وڈ سے قبل تھیٹرز میں بھی کام کیا۔
1990 میں انیل کپور کی فلم رام لکھن اور 1997 میں ساجن چلے سسرال کے لیے فلم فیئر کا بہترین کامیڈین کا ایوارڈ بھی جیتا تھا اور اکثر کامیڈی پروگرامز میں نظر آتے تھے۔