لتا منگیشکر آئی سی یو میں داخل، گھر والوں نے دعا کی درخواست کردی

بھارتی گلوکارہ لتا منگیشکر کو آئی سی یو میں داخل کردیا گیا۔ ان کی طبیعت انتہائی ناساز ہے۔ گھر والوں نے ان کے چاہنے والوں سے دعا کی درخواست کردی۔ گلوکارہ کورونا وائرس کا شکار ہوگئی ہیں۔ کچھ روز سے ان کو تیز بخار، نزلہ زکام اور شدید سانس لینے میں تکلیف تھی جس کے باعث فیملی ڈاکٹر نے کورونا ٹیسٹ کروایا جوکہ مثبت آیا۔ لیکن 4 گھنٹے آئی سی یو میں رہنے کے بعد ان کی طبیعت میں بہتری آئی ہے۔ البتہ عمر زیادہ ہونے کی وجہ سے ان کو تاحال آئی سی یو میں رکھا جا رہا ہے۔