مشہور بھارتی کامیڈی شو کپل شرما شو کے میزبان کپل شرما گزشتہ کئی سالوں سے کامیڈی پروگرام کی بدولت جانے جاتے ہیں۔
گزشتہ 2 سال میں وہ ساتھی اداکار سنیل گرور سے بدتمیزی کرنے کی وجہ سے بھی سوشل میڈیا پر چرچے میں رہے تھے۔
لیکن اب ان سے متعلق ایک خبر سامنے آئی ہے جس میں بتایا گیا ہے کہ کپل شرما شو کے ساتھی اداکار نے زہر کھا لیا۔
ساتھی اداکار تیرتھ آنند راؤ، کپل شرما کے ساتھ گزشتہ 15 برسوں سے کام کر رہے ہیں۔ بھارتی میڈیا کی رپورٹ کے مطابق تیرتھ کورونا کی صورتحال کے بعد سے کام نہ ملنے پر شدید دباؤ کا شکار ہیں، جبکہ اس پریشانی میں انہوں نے زہر کھایا۔
27 دسمبر کی شب انہوں نے زہر کھایا تاہم پڑوسیوں کے بروقت اقدام نے انہیں ایک نئی زندگی دی ہے۔