اب ٹرک والا ڈیزائن جوتوں پر ۔۔ پاکستان ٹرک آرٹسٹ حیدر علی نے جوتوں پر بھی ٹرک والا ڈیزائن بنا دیا

پاکستانی ٹرک آرٹ دنیا بھر مشہور ہے۔ اس کو بنانے والے آرٹسٹ ایک ایسے فن سے آراستہ ہیں جس کی جتنی تعریف کی جائے کم ہے۔ یہ آرٹ بالکل بھی آسان نہیں ہے۔ اگر آپ اس آرٹ کو پہچان لیں تو آپ کو اندازہ ہوگا کہ رنگ بھرنا بھی آسان نہیں ہے۔ نقش و نگاری بنانا ہر گز ممکن نہیں اگر آپ کا دماغ اور آپ کا ہاتھ اچھے فن پاروں کو پسند نہیں کرتا تو۔ پاکستان کے مشہور ٹرک آرٹسٹ حیدر علی نے پوری دنیا میں جہاں اپنے فن سے دنیا بھر میں نام کمایا۔ وہیں اب حیدر نے کچھ نیا کرنے کی ٹھانی۔ اب انہوں نے پاکستانی ٹرک آرٹ کو جوتوں پر بھی بنانا شروع کر دیا۔ حیدر کی کچھ تصاویر جوتوں پر پینٹنگ کرتے ہوئے سوشل میڈیا پر خوب وائرل ہو رہی ہیں۔ لوگ ان کے بنائے گئے بہترین جوتے خریدنے کے لیے بے تاب ہیں۔ ان جوتوں کی قیمت تقریباً 7 ہزار بتائی جا رہی ہے ۔ آج سے پہلے اس قسم کے جوتے دیگر ممالک سے منگوائے جاتے تھے۔ بہت کم لوگ جوتوں پر اس طرح کی نقاشی کرتے تھے۔ لیکن اب حیدر علی نے اس میدان میں قدم رکھ لیا ہے۔ مشہور آرٹسٹ عمر کہتے ہیں کہ: '' جوتوں کو یوں سجایا جا رہا ہے جیسے کوئی دلہن ہو۔ ایک آرٹسٹ سو مضبوط ذہن کو لے کر پیدا ہوتا ہے۔ پاکستان میں کسی ہنر کی کمی نہیں ہے۔ ''