انسانی زندگی کچھ اس طرح ہے کہ ایک پل میں زندہ ہیں اور الگے ہی لمحے مرحوم ہو جاتے ہیں۔ کئی ایسے بھی ہیں جو کہ صحت مند ہونے کے باوجود اس دنیا سے رخصت ہو جاتے ہیں۔
سدھارت شکلا کی موت نے بھی سب کو حیرت اور تشویش میں مبتلا کر دیا ہے۔ لیکن ان کی اچانک موت نے یہ بات بھی واضح کر دی ہے کہ آج کی دنیا میں صحت مند انسان بھی موت سےاچانک ہمکنار ہو رہے ہیں۔ آج آپ کو سدھارت شکلا کے بارے میں چند ایسی باتیں بتائیں گے جو ہو سکتا ہے، آپ نہیں جانتے ہوں۔
12 دسمبر 1980 میں پیدا ہونے والے اداکار سدھارت شکلا کی عمر 40 سال تھی، جبکہ وہ اپنی عمر سے کم ہی لگتے تھے۔ سدھارت کی فیملی کا تعلق الٰہ باد سے ہے جبکہ ان کی دو بہنیں بھی ہیں۔ سدھارت شکلا کو ان کی والدہ اور دونوں بہنوں نے پالا تھا۔
سدھارت نے 2020 میں ایک پوسٹ میں لکھا تھا کہ 15 سال پہلے میرے والد کا انتقال ہو گیا تھا۔ جبکہ والد کے انتقال کے بعد میری والدہ نے ہی مجھے پالا، بڑا کیا، ذمہ داریاں سنبھالی۔ جبکہ والدہ ریتا شکلا ایک ہاؤس وائف ہیں جنہیں اپنے بیٹے کے لیے مختلف طریقے کے کھانے بنا کر بے حد سکون ملتا تھا۔
سدھارت کا کہنا تھا کہ والدہ نے والد کی وفات کے بعد نہ صرف خود کو سنبھالا بلکہ ہمیں بھی سنبھالے رکھا۔ ہماری پرورش میں کوئی کسر نہیں چھوڑی تھی۔ سدھارت اپنی والدہ سے بے حد پیارت کرتے تھے، یہی وجہ ہے کہ ایک موقع پر انہوں نے والدہ کو بطور سیلیبریٹی بنایا تھا۔ ان کا ڈریس جو کہ عموما کمیز شلوار ہوتا ہے، اسے تبدیل کرا کر، اور میک اپ میں وہ ایک مخلتف اور خوبصورت نظر آ رہی تھیں۔
سدھارت بھی انہی دیکھ کر حیرت میں مبتلا ہو گئے تھے، وہ یہ سوچ رہے تھے ک امی اتنی خوبصورت لگ رہی ہیں، جبکہ والادہ کہتی ہیں کہ جب میں نے سدھارت کی خواہش پوری کی تو اسے بے حد خوشی ہوئی، جو کہ اس کی آںکھوں سے آنسوں کی صورت میں دیکھی جا سکتی تھی۔
جبکہ سدھارت کی والدہ کو بھی ان کی بے حد فکر تھی، دوا وقت پرلینا، کیا کھانا صحیح رہے گا، کیا چیز صحت کے لیے خطرناک ہے اور کن چیزوں سے سدھارت کو خطرہ ہو سکتا ہے، وہ ہر چیز جانتی تھیں۔ اس بات سے اندازہ لگایا جا سکتا ہے کہ سدھارت ایک لمحے کو بھی اپنی والدہ سے الگ نہیں ہوئے تھے، جبکہ وہ بگ باس میں والدہ سے جدا رہے تھے۔
جب والدہ کا خط انہیں بگ باس میں ملا تو وہ اشکبار ہو گئے تھے، والدہ کو یاد کر رہے تھے۔ والدہ نے خط میں بہت سی باتیں کی تھیں، لیکن جو سب سے اہم بات تھی ہو تھی بیٹے کی صحت۔ والدہ نے پوچھا تھا کہ سدھارت تم دوا وقت پر لے رہے ہو، کیا کھانا صحیح کھا رہے ہو، ہم سب گھر میں تمیں بے حد یاد کر رہے ہیں، تم بالکل صحیح کھیل رہے ہو۔
سدھارت کا کہنا تھا کہ اگر میں والدہ سے دو منٹ بھی دور رہوں تو میں رونے لگتا تھا، میری والدہ میری بہترین دوست ہیں۔ جبکہ سدھارت کے ڈراموں اور ماڈلینگ فیلڈ میں آنے میں بھی ماں نے اہم کردار ادا کیا تھا۔ بالکا ودھو نامی ڈرامے میں جاندار اداکاری دکھانے پر جہاں ناظرین نے انہیں پسند کیا تھا وہیں ان کی والدہ بھی بہت خوش ہوئی تھیں۔
والدہ جب بگ باس میں بیٹے سے ملنے آئی تھی تو وہ افسردہ ہو گئی تھیں، تب سدھارت نے والدہ کے چہرے پر دونوں ہاتھ رکھتے ہوئے اور اپنی ماں کی طرف پیار سے دیکھتے ہوئے کہا تھا کہ ارے آپ کیوں رو رہے ہو۔ آؤ میں آپ کو سب سے ملواؤں پھر ہم دونوں ڈھیر ساری باتیں کریں گے۔
سدھارت اپنی والدہ سے شدید محبت کرتے تھے، والد کے بعد والدہ ہی نے انہیں کامیاب شخص بنایا تھا،اس کامیابی کا کریڈیٹ وہ اپنی والدہ ہی کو دیتے ہیں۔