اتنے عرصے بعد گھومنے نکلی ہوں ۔۔ کینسر کو شکست دینے والی نادیہ جمیل کی موٹر سائیکل چلاتے ہوئے ہنستی مسکراتی تصاویر وائرل

کینسر کو شکست دینے والی پاکستانی شوبز انڈسٹری کی مقبول اداکارہ نادیہ جمیل نے تقریباً ایک سال سے زیادہ عرصہ اسپتال میں زیرِ علاج رہیں اور اس عرصے میں وہ کافی مشکلات کا بھی شکار رہیں۔

لیکن اب اداکارہ کی جانب سے حالیہ تصاویر شئیر کی جا رہی ہیں جس میں وہ پاکستان کے شمالی علاقوں کے سیر سپاٹے کرتی دکھائی دے رہی ہیں۔

انہوں نے ہنزہ سے اپنی کشتی رانی پر مبنی اور سیر و تفریح کے دوران دیگر تصاویر سوشل میڈیا پر شئیر کی ہیں۔

اپنے پیغام میں ان کا کہنا ہے کہ وہ اس سیر و سیاحت سے بھرپور طریقے سے محظوظ ہورہی ہیں۔

نادیہ جمیل موٹر سائیکل پر بھی بیٹھے دکھائی دے رہی ہیں۔

یاد رہے کہ ایک برس تک کینسر سے لڑنے والی 40 سالہ نادیہ جمیل گزشتہ ہفتے پاکستان کے شمالی علاقوں میں سیاحت کے غرض سے پہنچی تھیں۔