شوبز اداکار بھی اپنے خاندان والوں کو ایک اچھا مقام دلوانے اور ان کو بھی لوگوں میں مقبول کروانے کے لئے شوبز میں لے کر آتے ہیں، اس کی کئی مثالیں پاکستانی و بھارتی میڈیا انڈسٹری میں بھری پڑی ہیں۔ آپ بھی دیکھیئے ہماری ویب کے اس فیچرڈ آرٹیکل میں کہ وہ کون سے اداکار ہیں جن کے خاندان بھی میڈیا میں ہیں۔

بشریٰ انصاری

پاکستانی مشہور اداکارہ جو ایک عرصے سے میڈیا میں ہیں اور اداکاری کے ساتھ گائیکی اور کامیڈی بھی کرتی دکھائی دیتی ہیں، ان کا نام بشرٰی انصاری ہے اور ان کے خاندان میں زیادہ تر لوگ شوبز سے تعلق رکھتے ہیں، ان کی والدہ، والد، بہنیں، بھانجیاں یہاں تک کہ ان کے دوسرے شوہر اور بھانجی کے شوہر بھی میڈیا سے تعلق رکھتے ہیں۔

جاوید شیخ

اداکار جاوید شیخ جن کو صرف پاکستانی ہی نہیں بلکہ بھارتی میڈیا میں بھی بہت عزت و شہرت ملی۔ ان کے بیٹے، بیٹی، بیوی اور بہو بھی میڈیا انڈسٹری کا حصہ ہیں۔

ندا یاسر

اداکارہ ندا یاسر کے والدین، ان کے شوہر، دیور سب ہی میڈیا سے تعلق رکھتے ہیں، کوئی اداکار ہے تو کوئی ہدایتکار۔ لیکن اب ان کے شوہر نے ہدایتکاری کو خیرآباد کہہ دیا۔

کرینہ کپور:

بھارتی اداکارہ کرینہ کپور کا تو سارا ہی خاندان میڈیا میں ہے اور سب ہی فلموں میں کام کرتے دکھائی دیتے ہیں۔ والدہ، والد، بہن، شوہر، سوتیلے بچے یہاں تک کہ اب تو ان کا بیٹا تیمور بھی اشتہارات میں آنے لگا ہے۔

ہیما مالینی

بھارتی اداکارہ ہیما مالینی ان کے شوہر دھرمندر اور بیٹا، بیٹی سب ہی اداکار ہیں اور بہت مقبول بھی ہیں۔