فنڈ جمع کرنا ایک بہت مشکل کام تھا لیکن جب دلیپ کمار آئے تو ۔۔ عمران خان نے عظیم اداکار کی پرانی یادوں پر پوسٹ شئیر کرتے ہوئے کیا کہا؟

وزیراعظم عمران خان نے بھارتی اداکار دلیپ کمار کے انتقال پر اپنے جزبات کا اظہار سما جی رابطے کی ویب سائیٹ ٹویٹر پر کیا، اپنے ٹویٹ میں انہوں نے کہا کہ دلیپ کمار کی موت کا سن کر دل سے بہت افسوس ہوا اور وہ دلیپ کمار کی سخاوت کو کبھی نہیں بھول سکتے جبکہ شوکت خانم کینسر اسپتال ی فنڈ ریزنگ میں انہوں نے قلیدی کر دار ادا کیا۔

وزیراعظم عمران خان نے کہا کہ ابتداء میں شوکت خانم کی فنڈ ریزنگ ایک مشکل کام تھا لیکن جب پاکستان اور لندن میں لیجنڈری اداکار دلیپ کمار فنڈ ریزنگ کی تقریب میں شریک ہوتے تو ایک خطیر رقم جمع ہو جایا کرتی تھی۔

اس کے علاوہ انکی اداکاری کی تعریف کرتے ہوئے کہا کہ آج کی نئی نسل کیلئے دلیپ کمار سب سے بڑے اور ورسٹائل اداکار ہیں ۔ واضح رہے کہ ایک طویل عرصے تک بھارتی فلمی دنیا پر راج کرنے ولے اداکار 98 برس کی عمر میں اس دنیا سے رخصت ہو گئے ہیں۔